नारायणगढ/सनी सेक्युरिटिज कम्पनी लिमिटेड, ब्रोकर नं. ४२ को नारायणगढ शाखाद्वारा साउन १५ को अवसरमा आयोजित लगानीकर्ता भेटघाट कार्यक्रम सफलतापूर्वक सम्पन्न भएको छ।  कार्यक्रममा ३७ जना लगानीकर्ताको सहभागिता रहेको थियो। साना तथा नयाँ लगानीकर्तादेखि अनुभवी र ठूला लगानीकर्तासम्मको उपस्थिति रहेको उक्त कार्यक्रममा शेयर बजारसम्बन्धी अनुभव, जानकारी तथा विचार आदानप्रदान गरिएको थियो। साउन १५ को परम्परालाई निरन्तरता दिँदै सहभागीहरूलाई खीर खुवाइएको थियो। कार्यक्रम सौहार्दपूर्ण तथा उत्साहजनक वातावरणमा सम्पन्न भएको नारायणगढ शाखा प्रबन्धक उज्वल पौडेलले जानकारी गराउनु भएको छ।