स्विडेनले आफ्नो आधुनिक ‘वेस्ट-टु-एनERGY’ (Waste-to-Energy) प्रविधि मार्फत फोहर व्यवस्थापन र उर्जा उत्पादनमा विश्वलाई नै चकित पार्ने सफलता हासिल गरेको छ। स्विडेनमा उत्पादन हुने कुल घरयासी फोहरको १% भन्दा कम फोहर मात्र डम्पिङ साइट (Landfill) मा जान्छ। बाँकी ९९% भन्दा बढी फोहरलाई पुनःप्रयोग (Recycle) गरिन्छ वा जलाएर उर्जामा परिणत गरिन्छ।
स्विडेनभर रहेका ३० भन्दा बढी आधुनिक उर्जा संयन्त्रहरूले फोहरलाई जलाएर बिजुली र विशेष गरी जाडो याममा घरहरू तताउने ‘डिस्ट्रिक्ट हिटिङ’ (District Heating) प्रणाली सञ्चालन गर्छन्। स्विडेनमा फोहर व्यवस्थापन यति प्रभावकारी छ कि आफ्ना उर्जा संयन्त्रहरू निरन्तर चलाउनका लागि देशभित्रको फोहरले नपुगेपछि उसले बेलायत, नर्वे र इटाली जस्ता युरोपेली देशहरूबाट उल्टै पैसा लिएर वार्षिक लाखौँ टन (सन् २०२४ मा करिब ३८ लाख ६० हजार मेट्रिक टन) फोहर आयात गर्ने गरेको छ। यो मोडल वातावरणीय सरसफाइ र हरित उर्जाका लागि विश्वकै उत्कृष्ट नमुना बनेको छ।
Advertisement
