पशु सेवा कार्यालय चितवनको आयोजना र नेपाल कुखुरा व्यवसायी मञ्चको सह आयोजनामा राप्ती १० मा रहेको राष्ट्रिय माबि समिटारका विद्यार्थीहरुका लागि अण्डा बितरण गरिएको छ । विद्यालय व्यवस्थापन समितिका पुर्व अध्यक्ष भरत लाल चेपाङ को सभापतित्वमा भएको कार्यक्रमको प्रमुख अतिथि पशु सेवा कार्यालय चितवनका प्रमुख डा प्रभात न्यौपाने , बिशिस्ट अतिथि नेपाल कुखुरा व्यवसायी मञ्चका महासचिव डा बिष्णुहरी शर्मा, अतिथि नेपाल लेयर्स कुखुरापालक सघका सचिव श्री मदन पोखरेल रहनु भएको थियोे । कार्यक्रममा नेपाल कुखुरा व्यवसायी मञ्चका कार्यकारी अधिकृत शिवप्रसाद बराल, पशु सेवा कार्यालय चितवनका कर्मचारीहरुको सहभागिता रहेकोे थियोे । विद्यालयका सहायक प्रध्यानध्यापक  दिनेश पौडेल ले सन्चालन गर्नु भएको कार्यक्रममा विद्यालय व्यवस्थापन समितिका पुर्व अध्यक्ष भरत लाल चेपाङले स्वागत गर्दै बिधालयको अवस्थाका बारेमा जानकारी गराउनु भएको थियोे । कार्यक्रममा बिशिस्ट अतिथि नेपाल कुखुरा व्यवसायी मञ्चका महासचिव डा बिष्णुहरी शर्माले अण्डामा पाइने पोषण तत्वहरुको बारेमा जानकारी गराउनु भएको थियोे । प्रमुख अतिथि पशु सेवा कार्यालय चितवनका प्रमुख डा प्रभात न्यौपानेले अण्डामा कुनै पनि मिसावट हुन नसक्ने जुन सुकै उमेर समुहका ले पनि खाना मिल्ने बारेमा जानकारी गराउदै पशु सेवा कार्यालयका गतिविधिका बारेमा जानकारी गराउनु भएको थियोे । उक्त विद्यालयमा ४९१ जना विद्यार्थीहरु यस बर्ष अध्यनका लागि भर्ना भएका छन् । उक्त विद्यालयमा २७३० गोटा अण्डा हस्तान्तरण गरिएको छ ।