वागमती प्रदेश शारीरिक सुगठन तथा फिटनेश संघले राष्ट्रियस्तरको शारीरिक सुगठन प्रतियोगिता आयोजना गर्ने
काठमाण्डौै/वागमती प्रदेश शारीरिक सुगठन तथा फिटनेश संघको काठमाण्डौंमा बसेको विशेष बैठकबाट संघले राष्ट्रियस्तरको शारीरिक सुगठन प्रतियोगिता गर्ने लगायतको विषयमा छलफल सम्पन्न गरेको छ ।
वागमती प्रदेश शारीरिक सुगठन तथा फिटनेश संघका अध्यक्ष राजन श्रेष्ठको अध्यक्षतामा सम्पन्न विशेष बैठकले अगामि फागुन २८ गते शुक्रबार र २९ गते शनिबार राष्ट्रियस्तरको शारीरिक सुगठन प्रतियोगिता आयोजना गर्ने भएको छ ।
प्रतियोगिताले स्वस्थ र सुगठित शरीर निर्माण गर्न प्रेरित गर्न, नियमित व्यायाम र स्वस्थ जीवनशैलीको महत्व प्रचार गर्न, प्रतिभाशाली शारीरिक सुगठन खेलाडीहरूको पहिचान र प्रोत्साहन गर्र्न, अनुशासन, आत्मविश्वास र मेहनतको भावना विकास गर्न र राष्ट्रिय तथा अन्तर्राष्ट्रिय स्तरका प्रतियोगिताका लागि योग्य खेलाडी तयार गर्न मद्दत पुग्ने वागमती शारीरिक सुगठन तथा फिटनेश संघका अध्यक्ष राजन श्रेष्ठले दिनुभयो ।
छलफल कार्यक्रममा सचिव बाबुकाजी मानन्धर, कोषाध्यक्ष सुनिल अधिकारी, कार्यसमिति सदस्यहरु राकेशमान श्रेष्ठ, दिपेन्द्र प्याकुरेल, राजेश मुल्मी, संजय श्रेष्ठ, फिरोज बज्राचार्य, उर्मिला श्रेष्ठ, निर्मला श्रेष्ठ लगायतको उपस्थिति रहेको थियो ।