भरतपुर/बागमती प्रदेश उद्योग परिसंघको आयोजना, चितवन उद्योग संघको समन्व एवम् इन्स्योर परियोजनाको आर्थिक सहयोगमा मानव संसाधन रणनीति सम्बन्धि तालिम सम्पन्न भएको छ ।
वागमती प्रदेश उद्योग परिसंघका अध्यक्ष त्रिलोचन कँडेलको अध्यक्षतामा सम्पन्न कार्यक्रममा चितवन उद्योग संघका उपाध्यक्ष प्रमेश्वर भण्डारीले स्वागत मन्तव्य राख्नुभएको थियो । बागमती प्रदेश उद्योग परिसंघका कार्यकारी निर्देशक जगन्नाथ लामिछानेले तालिमका बारेमा प्रकाश पार्नुभएको तालिम कार्यक्रममा चितवन उद्योग संघका कार्यसमितिहरु सरिता खनाल पौडेल, भरत दवाडी, रञ्जित बराकोटी लगायतको उपस्थिति रहेको थियो ।
तालिममा योग्य कर्मचारी आकर्षित गर्ने र भर्ती गर्ने, कर्मचारीको सीप, ज्ञान र क्षमता विकास गर्ने, कर्मचारीको कार्यसम्पादन सुधार गर्ने, कर्मचारीलाई उत्प्रेरित र संस्थाप्रति प्रतिबद्ध बनाउने,
संस्थाको उत्पादकता र प्रतिस्पर्धात्मक क्षमता बढाउने, भविष्यका मानव संसाधन आवश्यकताहरूको योजना बनाउने लगायतका विषयमा तालिम दिईएको थियो । ३० जनाको सहभागिता रहेको तालिमलाई राजु शर्माले प्रशिक्षण दिनुभएको थियो ।
तालिममा सहभागीहरुले तालिमले मानव संसाधन रणनीति, संस्थाको लक्ष्य हासिल, संगठनात्मक संस्कृति लगायतका विषयमा ज्ञान प्राप्त भएको बताएका थिए ।
चितवन उद्योग संघकी कार्यक्रम अधिकृत कल्पना आचार्यले सञ्चालन गर्नुभएको तालिम कार्यक्रमलाई इन्स्योर परियोजनाका टेक्निकल कोअडिनेटर चक्रपाणी तिमिल्सिनाले धन्यवाद मन्तव्य सहित समापन गर्नुभएको थियो ।