रत्ननगर/रत्ननगर क्षेत्रभित्र रहेका सदस्य उद्योगीहरु र जिल्ला कार्यसमिति एवम् पालिका समितिहरु बीच परिचयात्मक एवम् फ्लोसिप कार्यक्रम सम्पन्न भएको छ ।
चितवन उद्योग संघ, रत्ननगर समितिका अध्यक्ष सुवासचन्द्र गौतमले स्वागत मन्तव्य सहित कार्यक्रमको उद्देश्य र संस्थाको गतिविधिका विषयमा प्रकाश पार्नुभएको कार्यक्रममा चितवन उद्योग संघ रत्ननगर समितिका संस्थापक अध्यक्ष एवम् चितवन उद्योग संघका उपाध्यक्ष गजेन्द्र अधिकारी, चितवन उद्योग संघका पूर्व अध्यक्ष हरि प्रसाद सुवेदी, चितवन उद्योग संघ, माडी पालिका समितिका अध्यक्ष जिताराम महतो लगायतले शुभकामना व्यक्त गर्नुभएको थियो ।
फेलोसिप कार्यक्रम अन्तर्गत गरिएका म्युजिकल चियर, घैटो फुटाई, उद्योगीहरुबीच लोकदोहारी जस्ता प्रस्तुतिले कार्यक्रमलाई थप रोमान्चित बनाएको थियो ।
चितवन उद्योग संघ, रत्ननगर समितिकी कोषाध्यक्ष गीता सिम्खडाले सञ्चालन गर्नुभएको कार्यक्रमलाई चितवन उद्योग संघ, रत्ननगर समितिका उपाध्यक्ष माधव थपलियाले धन्यवाद मन्तव्य सहित औपचारिक कार्यक्रम समापन र फेलोसिप कार्यक्रमको शुभारम्भको घोषणा गर्नुभएको थियो ।