भरतपुर/विगत एकवर्ष अगाडि चितवनको भरतपुर महानगरपालिका वडा नं. १, इन्द्रदेव मार्ग, नारायणगढमा सञ्चालनमा रहेको अर्बान नेष्ट बुटिक एण्ड रेन्टल हाउसले आफ्नो सेवाको एकवर्ष पूरा गरी दोश्रो वर्षमा प्रवेशको अवसरमा आफ्ना ग्राहकहरुसँग भेटघाट कार्यक्रम आयोजना गर्ने भएको छ ।
वर्तमान समयमा व्यस्त जीवनशैलीलाई सहजीकरण गर्दै समयानुकुल आफ्ना दैनिकी कार्यहरुलाई सहजता बनाउन उत्प्रेरणा जगाउने उद्देश्यका साथ साना बच्चाहरुको लागि विभिन्न चाडपर्व, विवाह, ब्रतबन्ध, उत्सव लगायतका कार्यक्रमहरुका लागि कम बजेटको साथै परिवेश सुहाउँदो फेशनहरुका विभिन्न डिजाइनका लत्ताकपडाको बिक्री वितरणका लागि विगत चार/पाँच वर्षदेखि अनलाइन मार्फत ट्रिफ्ट व्यापार गर्दै आएको “अर्बन नेष्ट बुटिक एण्ड रेन्टल शप” ले आफ्ना ग्राहकहरुको सल्लाह, सुझावका कारण बुटिकको समेत कामलाई अगाडि बढाउँदै एकवर्ष अगाडि सञ्चालनमा ल्याएको अर्बन नेष्टकी सञ्चालिका सुनिता घिमिरे पौडेलले जानकारी दिनुभयो ।
“हाम्रो थिफ्रट स्टुडियो मार्फत किन्नुहोस् र बेच्नुहोस्” भन्ने मूल उद्देश्यका साथ सञ्चालन हुन भएको शपले फेशन जीवनशैलीमा परिणत गर्ने, कम बजेटमै आफ्ना बच्चाहरुको माग पूरा गरी खर्चमा मितव्ययिता अपनाउने, केही हदसम्म भएपनि रोजगारीको सिर्जना गर्दै दिनहुँजसो धेरै कार्यक्रमहरुमा जाँदा प्रयोग हुने बच्चाहरुको कपडा सहज रुपमा उपलब्ध गराउँदै आएको छ ।
हाम्रो घरका दराजहरुमा प्रयोगविहिन भई थन्किएर बसेका लत्ताकपडा, ब्याग, जुत्ता लगायत अत्यावश्यक सामाग्रीहरुलाई व्यवस्थापन गरी केही हदसम्म त्यसको प्रयोग गर्नको लागि जागरुक बनाउने योजना सहित शपको सञ्चालन गरिएको शपमा चारसय ५० केटी, ३०० केटा, ३०० रेन्टल सर्भिस र ६७४ कस्टुमाइज ड्रेसको सेवा प्रदान गरिएको पौडेलले जानकारी दिनुभयो ।

घिमिरे सम्मानित :

अर्बान नेष्ट बुटिक एण्ड रेन्टल हाउस बागमती प्रदेश सरकार, उद्योग, वाणिज्य, भूमि तथा प्रशासन मन्त्रालयको आर्थिक वर्ष २०८२/०८३ को स्वीकृत कार्यक्रम बमोजिम नवप्रवर्तन उद्यमी सम्मानबाट सम्मानित भएको छ । “औद्योगिक वातावरण सुधार, दिगो अर्थतन्त्रको आधार” भन्ने मूल नाराका साथ ११ औं उद्योग दिवस तथा नवप्रवर्तन उद्यमी सम्मान कार्यक्रम अन्तर्गत १४ जना उद्यमीहरु मध्ये अर्बान नेष्ट बुटिक एण्ड रेन्टल हाउसकी सञ्चालिका सुनिता घिमिरे सम्मानित हुनुभएको हो ।