भरतपुर/चितवन अटोमोवाइल्स डिलर्स एशोसिएसन र चितवन अटोमोवाइल्स एशोसिएसनको संयुक्त आयोजनामा वैशाख १७ गतेदेखि २१ गतेसम्म सञ्चालन भएको चितवन अटो शो २०२६ को एक कार्यक्रमका बीच समापन गरिएको छ । चितवन अटो शो का कार्यक्रम संयोजक राजन पियाको अध्यक्षतामा सम्पन्न समापन कार्यक्रममा नाडा अटोमोबाइल्स एशोसिएसन अफ नेपालका पूर्व अध्यक्ष धु्रब बहादुर थापा प्रमुख अतिथि रहनुभएको थियो ।
चितवन अटोमोवाइल्स डिलर्स एशोसिएसनका अध्यक्ष ईन्द्र प्रसाद रेग्मीले स्वागत मन्तव्य राख्नुभएको समापन कार्यक्रममा चितवन अटो शोका कार्यक्रम संयोजक राजन पियाले चितवन अटो शो को उपलब्धीको बारेमा जानकारी गराउनु भएको थियो ।
प्रमुख अतिथि नाडा अटोमोबाइल्स एशोसिएसन अफ नेपालका पूर्व अध्यक्ष धु्रब बहादुर थापाले चितवन हरेक दृष्टिकोणले निकै प्रख्यात रहेको र अटो क्षेत्रमा समेत चितवनको निकै ठूलो योगदान रहेको बताउनुभयो । प्रमुख अतिथि थापाले अटो शोले चितवनको आर्थिक गतिविधि चलायमान भएको बताउनुभयो । समापन कार्यक्रममा सम्पूर्ण निजी क्षेत्रको तर्फबाट प्रबद्र्धक संस्था चितवन उद्योग संघका अध्यक्ष मदन घिमिरेले चितवन अटो शोले अटो क्षेत्रसँगै चितवन आसपासको अन्य आर्थिक गतिविधिहरुमा समेत प्रभाव पारेको बताउनुभयो । अध्यक्ष घिमिरेले अबका दिनमा अझै यसैलाई परिस्कृत र व्यवस्थित रुपले अगाडि लैजाने आफूहरु तयार रहेको बताउनुभयो ।
करीब ८ हजार पाँच सयले अवलोकन गरेको चितवन अटो शोमा १४० वटा कारको बिक्री तथा बुकिङ, ५० वटा भ्यानको बिक्री तथा बुकिङ, ११० स्कुटर/मोटरसाइकलको बिक्री तथा बुकिङ भएको चितवन अटो शोका कार्यक्रम संयोजक राजन पिया जानकारी दिनुभयो । अटो शोमा करीब एकसय करोड बराबरको आर्थिक कारोबार भएको पियाले जानकारी दिनुभयो । पाँचदिन सम्म चलेको अटो शो कार्यक्रमलाई चितवन अटोमोवाइल्स एशोसिएसनका अध्यक्ष मोहन के.सी.ले धन्यवाद मन्तव्य सहित समापन गर्नुभएको थियो ।