भरतपुर/“कामदारको सुरक्षा, उद्योगको दीगो रक्षा” भन्ने उद्देश्यका साथ चितवन मेटल ईन्जिनियरिङ्ग एण्ड फेब्रिकेशन उद्योग समिति, कालिका समितिको दोश्रो साधारणसभा तथा प्रथम अधिवेशन सम्पन्न भएको छ ।

चितवन मेटल ईन्जिनियरिङ्ग एण्ड फेब्रिकेशन उद्योग समिति, कालिका समितिका अध्यक्ष अण बहादुर श्रेष्ठको अध्यक्षतामा सम्पन्न कार्यक्रममा चितवन मेटल ईन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्की प्रमुख अतिथि रहनुभएको थियो । प्रमुख अतिथि कार्कीले मेटल उद्यमीहरुका जायज मागहरुलाई तीनै तहका सरकारसँग सहकार्य गरी अगाडि बढ्न आफूहरु लागिरहेको बताउनुभयो ।

चितवन मेटल ईन्जिनियरिङ्ग एण्ड फेब्रिकेशन उद्योग समिति, कालिका समितिका अध्यक्ष अण बहादुर श्रेष्ठले स्वागत मन्तव्यसँगै बार्षिक प्रगति प्रतिवेदन प्रस्तुत गर्नुभएको थियो । प्रस्तुत गरिएका प्रतिवेदनहरु माथि छलफल गरी हलले अनुमोदन समेत गरेको थियो ।

चितवन मेटल ईन्जिनियरिङ्ग एण्ड फेब्रिकेशन उद्योग समितिका बरिष्ठ उपाध्यक्ष मोहनलाल श्रेष्ठ, चितवन उद्योग संघ, कालिका समितिका उपाध्यक्ष रघुनाथ सापकोटा, चितवन मेटल ईन्जिनियरिङ्ग एण्ड फेब्रिकेशन उद्योग समितिका सल्लाहकारहरु गोविन्द प्रसाद खनाल, दुर्गालाल सापकोटा, चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका अध्यक्ष कृष्ण अर्याल, ग्रिल तथा स्टिल व्यवसायी महासंघ बागमती प्रदेशका सदस्य बीरेन्द्र बहादुर दवाडी, चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका निवर्तमान अध्यक्ष गणेशराज रेग्मी लगायतले शुभकामना व्यक्त गर्नुभएको थियो ।

चितवन उद्योग संघका प्रशासकीय अधिकृत गोविन्द प्रसाद पौडेल प्रमुख निर्वाचन अधिकृत रहनु भएको कार्यक्रममा चितवन उद्योग संघका सञ्चार अधिकृत राजु भट्ट र चितवन मेटलकी कर्मचारी शोभा थापा निर्वाचन अधिकृत रहनु भएको थियो । निर्वाचन समितिले नवनिर्वाचित समितिको नाम घोषणा गरेको थियो । नवनिर्वाचित समितिको अध्यक्षमा अण बहादुर श्रेष्ठ, उपाध्यक्षहरुमा रामकिशोर महत्तो, निरुप तामाङ्ग, रुपक श्रेष्ठ, सचिवमा हिमालय गिरी, सह–सचिवमा वुद्धलाल महत्तो, सदस्यहरुमा सन्तविर पाख्रिन, गोविन्द गुरुङ्ग, प्रेम बहादुर लामा, सुरेश कुमार गोले, चन्द्र वहादुर पाख्रिन रहेका थिए ।

चितवन मेटल ईन्जिनियरिङ्ग एण्ड फेब्रिकेशन उद्योग समितिका उपाध्यक्ष राजकुमार श्रेष्ठले सञ्चालन गर्नुभएको कार्यक्रमलाई चितवन मेटल ईन्जिनियरिङ्ग एण्ड फेब्रिकेशन उद्योग समिति, कालिका समितिका नवनिर्वाचित अध्यक्ष अण बहादुर श्रेष्ठले प्रतिबद्धता मन्तव्य सहित समापन गर्नुभएको थियो ।