रत्ननगर/ “कामदारको सुरक्षा, उद्योगको दीगो रक्षा” भन्ने नारा सहित चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिको सातौं साधारणसभा तथा चौथो अधिवेशन सन्पन्न भएको छ ।
चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका अध्यक्ष गणेश राज रेग्मीको अध्यक्षतामा सम्पन्न कार्यक्रममा चितवन मेटल ईन्जिनियरिङ्ग एण्ड फेब्रिकेशन उद्योग समितिका अध्यक्ष तारा बहादुर कार्की प्रमुख अतिथि रहनुभएको थियो ।
प्रमुख अतिथि कार्कीले मेटल उद्यमीहरुका साझा समस्याहरुलाई सबै मिलेर अगाडि बढ्नु पर्ने र मेटल उद्यमीहरुले एकताबद्ध भई आफ्नो पेशालाई मर्यादित बनाउनु पर्ने धारणा राख्नुभएको थियो ।
साधारणसभाको अवसरमा चितवन उद्योग संघका उपाध्यक्ष एवम् रत्ननगर समितिका संस्थापक अध्यक्ष गजेन्द्र अधिकारी, चितवन उद्योग संघ, रत्ननगर समितिका अध्यक्ष सुवासचन्द्र गौतम, चितवन मेटल ईन्जिनियरिङ्ग एण्ड फेब्रिकेशन उद्योग समितिका बरिष्ठ उपाध्यक्ष मोहनलाल श्रेष्ठ, चितवन उद्योग संघ, रत्ननगर समितिका पूर्व अध्यक्ष तथा चितवन मेटल ईन्जिनियरिङ्ग एण्ड फेब्रिकेशन उद्योग समितिका सल्लाहकार गोविन्द प्रसाद खनाल, चितवन मेटल ईन्जिनियरिङ्ग एण्ड फेब्रिकेशन उद्योग समितिका सल्लाहकार दुर्गालाल सापकोटा, ग्रिल तथा स्टिल व्यवसायी महासंघ बागमती प्रदेशका सदस्य बीरेन्द्र बहादुर दवाडी, चितवन मेटल ईन्जिनियरिङ्ग एण्ड फेब्रिकेशन उद्योग समिति, कालिका समितिका अध्यक्ष अण बहादुर श्रेष्ठ लगायतले शुभकामना व्यक्त गर्नुभएको थियो ।
साधारणसभाको अवसरमा चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समिति अन्तर्गत रहेका उद्योगहरु मध्ये धेरै भन्दा धेरै विमा गराउन सफल रत्ननगर–१०, चितवन स्थित भोलेबाबा कृषि औजार उद्योगका सञ्चालक बिष्णु प्रसाद उपाध्याय, रत्ननगर–०४, चितवन स्थित विनायक कृषि औजार उद्योगका सञ्चालक दिलिप प्रसाद खनाल, रत्ननगर–१६, चितवन स्थित आर.के.ग्रिल उद्योगका सञ्चालक रामकृष्ण श्रेष्ठलाई सम्मान गरिएको थियो ।
चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका अध्यक्ष गणेश राज रेग्मीले स्वागत मन्तव्यसँगै बार्षिक प्रगति प्रतिवेदन प्रस्तुत, चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका सदस्य रामकुमार श्रेष्ठले आर्थिक प्रतिवेदन प्रस्तुत गर्नुभएको थियो । पेश गरिएका प्रतिवेदन माथि छलफल तथा अनुमोदन गरिएको थियो ।
गोविन्द प्रसाद पौडेलको संयोजकत्वमा बनेको निर्वाचन समितिको सदस्यहरुमा राजु भट्ट र शोभा थापा रहनुभएको थियो । निर्वाचन मण्डलले नवनिर्वाचित कार्यसमितिको चयन समेत गरेको थियो । नवनिर्वाचित समितिको अध्यक्षमा कृष्ण अर्याल, उपाध्यक्षहरुमा रामकृष्ण श्रेष्ठ, प्रदिप सिंह कुर्मी, चुडामणी चौधरी, सचिवमा भरत दराई, सदस्यहरुमा झनक ढुङ्गेल, दिनेश कुमार श्रेष्ठ, सुबोध श्रेष्ठ, बुद्धराम महतो, रामहरि अधिकारी रहनु भएको छ ।

चितवन मेटल ईन्जिनियरिङ्ग एण्ड फेब्रिकेशन उद्योग समितिका उपाध्यक्ष राजकुमार श्रेष्ठले सञ्चालन गर्नुभएको कार्यक्रमलाई चितवन मेटल ईन्जिनियरिङ्ग एण्ड फेब्रिकेशन उद्योग समिति, रत्ननगर समितिका नवनिर्वाचित अध्यक्ष कृष्ण अर्यालले प्रतिबद्धता मन्तव्य सहित समापन गर्नुभएको थियो ।