खैरहनी/दूधको उत्पादन, गुणस्तर, र बजारीकरण सुधार गर्न चितवन जिल्ला दुग्ध उत्पादक सहकारी संघ लि.ले हेफर प्रोजेक्ट नेपालसँगै सहकार्य गरी सञ्चालन गरेको “मिल्की वे” परियोजनाले दूध उत्पादनको लागत घटाउने, पशु स्वास्थ्य सुधार गर्ने, आधुनिक प्रविधि प्रयोग बढाउने, बजार व्यवस्थापनलाई प्रभावकारी बनाउने र सफा तथा गुणस्तरीय दूध उत्पादनमा सहयोग पुगेको चितवन जिल्ला दुग्ध उत्पादक सहकारी संघ लि।का अध्यक्ष किशोर बगालेले जानकारी दिनुभयो ।
चितवन जिल्ला दुग्ध उत्पादक सहकारी संघ लिमिटेड, हेफर प्रोजेक्ट नेपाल र नन्दिनी दुग्ध उत्पादक सहकारी संस्था लिमिटेटको संयुक्त आयोजनामा खैरहनी नगरपालिका वडा नं. १० शान्तिबजारमा नेपालको दुग्ध क्षेत्रको रुपान्तरणका लागि ‘मिल्की वे’ कार्यक्रम सञ्चालन गरेको थियो । दुग्ध क्षेत्रको रुपान्तरणका लागि प्रबिधि र असल अभ्यास प्रबर्द्धन परियोजना अन्तरगत जलवायु मैत्री असल पशुपालन अभ्यास तथा ब्यवस्थापन गर्ने उद्देश्यका साथ तालिम सम्पन्न भएको हो
हेफर इन्टरनेशनलसँग सहकार्य गर्दै सञ्चालित यो परियोजना मार्फत दूधको लागत मूल्य घटाउन सकिए नेपाललाई दूधमा आत्मनिर्भर बनाउने सम्भावना रहेको र नेपालको दुग्ध उद्योगलाई नयाँ युगमा प्रवेश गराउन ‘मिल्की वे’ परियोजना भएको विश्वास लिइएको छ । चितवनका दुग्ध किसानहरूलाई प्रतिस्पर्धात्मक बनाउन, उत्पादन वृद्धि गर्न, र गुणस्तरीय दूध बजारसम्म पुर्याउन यो परियोजना गेमचेन्जर बन्ने अपेक्षा गरिएको छ। परियोजना कार्यान्वयनमा आएपछि किसानहरूले दूध उत्पादन गरे पनि मूल्य नपाउने समस्याको समाधानमा केही राहत मिलेको दुग्ध क्षेत्रका विज्ञहरु बताउछन् ।
