भरतपुर/वागमती प्रदेश सरकार, संस्कृति तथा पर्यटन मन्त्रालय, पर्यटन कार्यालय सौराहाको आयोजना, चितवन उद्योग संघको समन्वय तथा चितवन उद्योग संघ, रत्ननगर समितिको सहयोगमा पर्यटन व्यवसायमा आवद्ध महिला तथा युवा लक्षित उद्यमशिलतामा आधारित क्षमता अभिवृद्धि कार्यक्रमको एक विशेष समारोहका बीच समापन गरिएको छ ।
वागमति प्रदेश सरकार संस्कृति तथा पर्यटन मन्त्रालय पर्यटन कार्यालय सौराहाका कार्यालय प्रमुख प्रेम प्रसाद ढकालले स्वागत मन्तव्य राख्नुभएको समापन कार्यक्रममा प्रशिक्षार्थीहरुको तर्फबाट रञ्जिता सिलवाल र सरोज खनालले तालिम निकै फलदायी भएको र तालिममा सिकेका कुराहरुलाई व्यवहारमा उतार्न जरुरी रहेको बताएका थिए । त्यस्तै प्रशिक्षकहरुको तर्फबाट सिए विशाल भटराईले आफ्ना धारणा व्यक्त गर्नुभएको थियो ।
कार्यक्रममा चितवन उद्योग संघ, रत्ननगर समितिका अध्यक्ष सुवासचन्द्र गौतमले यस्ता कार्यक्रमले पर्यटन क्षेत्रको आतिथ्यतासँगै व्यवसायको स्तर उन्नतिमा टेवा पुग्ने बताउनुभयो । समापन कार्यक्रममा कार्यक्रमकाा प्रशिक्षार्थी तथा प्रशिक्षकहरुलाई प्रमाणपत्र प्रदान गरिएको थियो । तीनसम्म सञ्चालन भएको तालिममा पर्यटन विज्ञ तथा प्राध्यापक डा. विश्व सुवेदी, सिए विशाल भट्टराई, युवा उद्यमी प्रविन काफ्लेले प्रशिक्षण दिनुभएको थियो ।
समापन कार्यक्रममा चितवन उद्योग संघका कार्यसमिति सदस्य सृजना सोती, पत्रकार सन्तोष देवकोटा, चितवन उद्योग संघका प्रशासकिय अधिकृत गोविन्द प्रसाद पौडेल, सञ्चार अधिकृत राजु भट्टलगायत उपस्थित रहेको थियो ।
चितवन उद्योग संघ औद्योगिक पाठशाला कक्षमा माघ ०६ गते देखि ०८ सम्म सञ्चालन भएको समापन कार्यक्रमलाई चितवन उद्योग संघकी कार्यक्रम अधिकृत कल्पना आचार्यले सञ्चालन गर्नुभएको थियो ।