साधारण सभाको अवसरमा उद्योग वाणिज्यको तर्फबाट उद्योग वाणिज्य संघ–चितवनका अध्यक्ष राजु श्रेष्ठ, उद्योग संघ जिल्ला अध्यक्षहरुको तर्फबाट उद्योग संघ मकवानपुरका अध्यक्ष लेखराज पोखरेल, नेपाल उद्योग परिसंघ प्रदेश संयोजकहरुको तर्फबाट नेपाल उद्योग परिसंघ, लुम्बिनी प्रदेशका संयोजक एजाज आलम, बिशिष्ट अतिथिद्वय घरेलु तथा साना उद्योग महासंघका कार्यवहाक अध्यक्ष उमेशप्रसाद सिंह, नेपाल उद्योग परिसंघका अध्यक्ष सतिषकुमार मोरज्यू र प्रमुख अतिथि बागमती प्रदेश उद्योग, पर्यटन, वन तथा वातावरण मन्त्री माननीय अरुण नेपालज्यूलगायतले साधारण सभाको सफलताको कामना सहित शुभकामना मन्तव्य राख्नु भएको थियो ।

साधारण सभाको अवसरमा प्रकाशन गरिएको उद्यमी सन्देश २०७७ को विमोचन समेत गरिएको थियो । चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको उद्घाटन सत्रलाई चितवन उद्योग संघका बरिष्ठ उपाध्यक्ष त्रिलोचन कँडेलले धन्यवाद मन्तव्य सहित समापन गर्नुभएको थियो ।

बन्द सत्र ः

चितवन उद्योग संघको साधारण सभाको बन्द सत्र चितवन उद्योग संघका अध्यक्ष राजु पौडेलको अध्यक्षमा सम्पन्न भएको छ । बन्द सत्र कार्यक्रममा चितवन उद्योग संघका पूर्व अध्यक्ष एवं गभर्निङ काउन्सिलका अध्यक्ष हरि प्रसाद सुवेदीज्यू, चितवन उद्योग संघका निवर्तमान अध्यक्ष भेषराज दुवाडी, पूर्व अध्यक्ष मण्डलका अध्यक्ष भीमबहादुर पाण्डे, पूर्व अध्यक्षहरु कृष्णप्रसाद अधिकारी, सोमराज मरहठ्ठा, तारा प्रसाद पौडेल, गुणाकर खरेललगायतको सहभागिता रहेको थियो ।

सभाले माईन्युट प्रमाणित गर्ने जिम्मेवारी गोविन्द खनाल, शान्ता न्यौपाने र भोजराज देवकोटालाई दिएको थियो भने, आ.व.०७७/०७८ को लागि प्रस्तावित लेखा परीक्षकको लागि शुशिल सापकोटा एण्ड एशोसिएटस, तिमिल्सिना एशोसिएटस र एस रिजाल एण्ड एशोसिएटसको मध्येबाट नियुक्त गर्न कार्यसमितिलाइ अख्तियारी दिएको थियो ।

सभामा संघका कार्यकारी निर्देशक गणेश प्रसाद सिलवालबाट वार्षिक प्रगति प्रतिवेदन, उपाध्यक्ष एवं आर्थिक विभाग संयोजक सूर्यप्रसाद न्यौपानेबाट आ.व. २०७६/०७७ आर्थिक प्रतिवेदन, गभर्निङ काउन्सिलका अध्यक्ष हरि प्रसाद सुवेदीबाट गभर्निङ काउन्सिलका अध्यक्षको प्रतिवेदन, पूर्व अध्यक्ष मण्डलका अध्यक्ष भीमबहादुर पाण्डेबाट पूर्व अध्यक्ष मण्डलका अध्यक्षको प्रतिवेदन प्रस्तुत भएको थियो । पेश गरिएका प्रतिवेदनहरुलाई सभाले पास समेत गरेको थियो । सभाको अवसरमा चितवन उद्योग संघका अध्यक्ष राजु पौडेलले गभर्निङ काउन्सिलका अध्यक्ष हरिप्रसाद सुवेदी सम्मान र २०७७ असोज १६ गतेदेखि संघको बरिष्ठ उपाध्यक्षमा चयन हुनुभएका त्रिलोचन कँडेललाई हार्दिक बधाई ज्ञापन गर्दै प्रमाणपत्र पदान गर्नुभएको थियो ।

साधारण सभाकै अवसरमा गभर्निङ काउन्सिलका अध्यक्ष हरिप्रसाद सुवेदीले आफ्नो कार्यकाल सफल बनाउन सहयोग गर्नुहुने गभर्निङ काउन्सिलका उपाध्यक्ष सोमराज मरहठ्ठा, सदस्यहरु तारा प्रसाद पौडेल, गुणाकर खरेल र कृष्णप्रसाद अधिकारीलाई प्रशंसा पत्र प्रदान गर्नुभएको थियो ।

साथै संघको बिधान अनुसार गभर्निङ काउन्सिलको विघटन गर्दै नयाँ गभर्निङ काउन्सिलको निर्वाचनको लागि संघका कानूनी सल्लाहकार अधिवक्ता कमलराज पाठक संयोजकत्वमा चितवन उद्योग संघका कार्यकारी निर्देशक गणेशप्रसाद सिलवाल र प्रशासकीय अधिकृत गोविन्द प्रसाद पौडेल सदस्य रहनु भएको निर्वाचन मण्डललाई हस्तान्तरण गरिएको थियो ।

पूर्व अध्यक्ष मण्डलले सर्वसम्मत रुपमा पूर्व अध्यक्ष सोमराज महरट्टाको अध्यक्षतामा ताराप्रसाद पौडेल, गुणाकर खरेल, कृष्णप्रसाद अधिकारी र भीम बहादुर पाण्डे सदस्य रहने गरी ५ सदस्यीय गभर्निङ काउन्सिलको निर्वाचित गरेको थियो ।

नवनिर्वाचित गभर्निङ काउन्सिलका अध्यक्षलाई संघका अध्यक्ष राजु पौडेलले र सदस्यहरुलाई नवनिर्वाचित अध्यक्षले काउन्सिलका सदस्यहरुलाई सपथ ग्रहण गराउनु भएको थियो । सपथ लिएसँगै गभर्निङ काउन्सिलका नवनिर्वाचित अध्यक्ष सोमराज मरहट्टाले प्रतिवद्धता मन्तव्य समेत राख्नुभएको थियो । भने संघका अध्यक्ष बधाई व्यक्त गर्दै बन्द सत्रको समापन गर्नुभएको थियो ।