भरतपुर/चितवन उद्योग संघको आयोजनामा रुपन्देही उद्योग संघका अध्यक्ष लगायतको टिमसँग परिचय एवं औद्योगिक प्रर्बद्धनका विषयमा छलफल सम्पन्न भएको छ ।
चितवन उद्योग संघका अध्यक्ष मदन घिमिरेको अध्यक्षतामा चितवन उद्योग संघ, औद्योगिक पाठशाला कक्षमा सम्पन्न कार्यक्रममा रुपेन्देही उद्योग संघका अध्यक्ष कृष्ण पराजुलीको प्रमुख आतिथ्यतामा सम्पन्न कार्यक्रममा वर्तमान औद्योगिक परिदृश्यका विषयमा छलफल गरिएको थियो ।
छलफल कार्यक्रममा चितवन उद्योग संघका अध्यक्ष मदन घिमिरेले चितवन उद्योग संघको वर्तमान गतिविधि, चितवन उद्योग संघका औद्योगिक गतिविधिसँगै चितवन प्रदर्शनी केन्द्रमा आयोजना गर्ने तयारीमा रहेका प्रर्दशनीहरुको विषयमा प्रस्ट पार्नु भएको थियो

त्यस्तै कार्यक्रमका विशिष्ट व्यक्तित्व रुपेन्देही उद्योग संघका अध्यक्ष कृष्ण पराजुलीले रुपेन्देही उद्योग संघको गतिविधि र रुपन्देही उद्योग संघको आयोजनामा २०८२ पौष ०३ गतेदेखि १७ गतेसम्म सञ्चालन हुन लागेको १६ औं राष्ट्रिय औद्योगिक प्रदर्शनी, कृषि, प्रविधि तथा पर्यटन महोत्सव २०८२ को विषयमा आफ्नो धारणा राख्नुभएको थियो । पराजुलीले चितवन उद्योग संघ र रुपेन्देही उद्योग संघबीच विगतका वर्षहरुदेखि निकटम समबन्ध रहेकोले सहकार्य गर्दै अगाडी बढ्नु पर्ने धारणा राख्नुभएको थियो ।
छलफल कार्यक्रममा चितवन उद्योग संघका उपाध्यक्ष तारा वहादुर कार्की, गोपाल प्रसाद गैरे, कार्यसमिति सदस्यहरु ओमकार कँडेल, अर्जुन प्रसाद सापकोटा, संघका सञ्चार अधिकृत राजु भट्ट, पाठशाला अधिकृत कल्पना आचार्य, डिजाइनर अजय महतो लगायतको सहभागिता रहेको थियो ।
चितवन उद्योग संघका कार्यक्रम अधिकृत कल्पना आचार्यले सञ्चालन गर्नु भएको कार्यक्रमलाई चितवन उद्योग संघका उपाध्यक्ष गोपाल प्रसाद गैरेले धन्यबाद मन्तब्य सहित समापन गर्नुभएको थियो ।