चितवन/राष्ट्रिय सौन्दर्यकर्मी युनियन नेपाल भरतपुर महानगरपालिकाले आज भरतपुरमा सीप बिकाशका लागि क्षमता अभिबृध्दी कार्यक्रम संचालन गरेको छ । महानगरपालिका उपाध्यक्ष सिमाकाजी महतोको अध्यक्षतामा भएको कार्यक्रमको प्रमुख अतिथी राष्ट्रिय सौन्दर्यकर्मी युनियन नेपाल केन्द्रीय कमिटी सदस्य अञ्जु गुरुङ्ग र अतिथिहरु युनियनका चितवन जिल्ला अध्यक्ष शुष्मा तमाङ्ग, कोषाध्यक्ष मञ्जु तमाङ्ग लगायत हुनुहुन्थ्यो ।
कार्यक्रममा मन्तव्यका क्रममा प्रमुख अतिथी अञ्जु गुरुङ्गले सबैभन्दा पहिला आज ७ अक्टोवर, मर्यादित कामको विश्व दिवस भएको र श्रमिकले चाहेको कुरा, सुरक्षित कार्यथलो, मानवोचित जीवन जीउन पुग्ने पारिश्रमिक, निर्धक्कसॅग संगठित हुनपाउने अवस्था र सुनिश्चित रोजगारी हो ! यो वर्षको मर्यादित कामको विश्व दिवस्, कोभिड १९ को कारण विगत जस्तो कार्यक्रम नभएपनी बिश्वका श्रमिकलाई हार्दिक शुभकामना व्यक्त गर्दछु भन्नुभयो । गुरुङ्गले जिवनमा सीप सिकेर जतिनै दक्ष भएपनी क्षमतामा ह्रास आयो भने सिपमा खिया लाग्छ ।
त्यसैले एउटा सिल्पकारले आफ्नो दक्षता प्रदर्शन गर्नका लागि क्षमता अभिबृद्धी गर्नु जरुरी छ भन्नू हुदै आफ्नो युनियन आम सौन्दर्यकर्मीहरुको हक, हित र अधिकार प्राप्तिको आन्दोलन संगसंगै सदस्यको दक्षता अभिबृध्दी गर्ने काममा पनि लाग्दै आएको छ र आजको कार्यक्रम बजारमा आएको नया प्रबिधिलाई आफ्ना सदस्य सम्म पुर्याउने कार्यक्रम भएकाले यसलाई राम्रो संग सिकेर लाभ लिनुहुन सहभागी सदस्यहरूलाई आग्रह गर्नुभयो । कार्यक्रममा सिल्क हेयर कंपनिको तर्फबाट सिमाकाजी महतोले डेमो प्रस्तुत गर्नु भएको थियो भने कार्यक्रम संचालन महानगरपालिका सचिव लक्ष्मी अमगाइले गर्नुभएको थियो । यस्ता कार्यक्रम अधिक सदस्यका बिच पुर्याउन पर्ने भएपनी कोभिडका कारण संक्रमण सुरक्षा अपनाउदै कार्यक्रमबाट राष्ट्रिय सौन्दर्यकर्मी युनियन नेपालको चितवनका विभिन्न कमिटिमा आवध्द ३० जना सदस्यले लाभ प्राप्त गर्नुभएको आयोजकले बताएको छ ।
