खैरहनी/आन्तरिक आन्तरिक राजश्व कार्यालय पर्साले नव पुष्पान्जली कापी एन्ड स्टेसनरी उद्योग प्रालिलाई सम्मान गरेको छ । आर्थिक बर्ष २०८०/०८१ को सबै भन्दा बढि आयकर तिर्ने सुचिमा पहिलो नम्बरमा रहेको भन्दै राजस्व कार्यालयले पुष्पान्जली उद्योगलाई सम्मान गरेको हो । आर्थिक बर्ष २०७९/८० मा पनि सो उद्योग सबैभन्दा बढी आयकर तिर्ने सुचिमा परेपछी सम्मानित भएको थियो ।
सो उद्योगले लगातार दोस्रो पटक सम्मान पाएको हो । कर दिवसको अवसरमा बढि आयकर तिर्ने उद्योगका अध्यक्ष चन्द्रप्रसाद खनाललाई राजस्व कार्यालयले दोसल्ला ओढाएर कदर पत्रले आज सोमबार सम्मान गरेको हो । उद्योगका अध्यक्ष खनालले सम्मानित भएपछी प्रतिक्रिया दिदै गुणस्तरीय उत्पादनलाई पहिलो प्राथमिकता दिएर काम गर्ने र राजस्वमा कुनै कन्जुस्याइँ नगर्ने बताए । उनले राजस्व तिर्नु निजि संस्थाको दायित्व रहेको भन्दै सबैले इमानदारीता देखाउनु पर्ने समेत बताए ।
Advertisement
