चितवन उद्योग संघको दुई वर्षे कार्ययोजनाले औद्योगिक प्रबद्र्धनात्मक कार्यमा टेवा पुग्ने
चुम्लिङटार/चितवन उद्योग संघको १८ औं कार्यसमितिको दुईवर्षे कार्ययोजना तर्जुमा गोष्ठी अन्तर्गत परिचयात्मक तथा फेलोसिप कार्यक्रम सम्पन्न भएको छ । चितवन उद्योग संघका अध्यक्ष मदन घिमिरेको अध्यक्षतामा सम्पन्न कार्यक्रममा बागमती प्रदेश उद्योग परिसंघका अध्यक्ष लेखराज पोखरेल प्रमुख अतिथि रहनु भएको थियो ।
चितवन उद्योग संघका अध्यक्ष मदन घिमिरेले स्वागत मन्तव्यसँगै कार्यक्रमको उद्देश्य माथि प्रकाश पार्नुभएको थियो ।
प्रमुख अतिथि बागमती प्रदेश उद्योग परिसंघका अध्यक्ष लेखराज पोखरेलले संघको दुईवर्षे कार्ययोजना तर्जुमा गोष्ठीको सफलताको शुभकामना व्यक्त गर्नुभयो । पोखरेलले उद्योग र उद्योगीहरुले आवश्यक प्रविधि र बजारका अभावले विभिन्न समस्याहरु झेल्दै आएको हुँदा यसतर्फ सम्बन्धित निकायको ध्यान जानुपर्ने बताउनुभयो ।
त्यस्तै, जिल्ला समवन्य समितिको कार्यालयका प्रमुख नारायण प्रसाद अधिकारीले अहिले युग उद्योगको युग भएकोले यस कार्ययोजना गोष्ठीले मानिसहरुमा उद्योगतर्फ लाग्न प्रेरित गर्ने बताउनुभयो ।
त्यस्तै इच्छाकामना गाउँपालिका कार्यालयका अध्यक्ष दान बहादुर गुरुङले चितवन उद्योग संघसँग औद्योगिक प्रबद्र्धनका सन्दर्भमा इच्छाकामना गाउँपालिकाले समन्वय गरि अगाडि बढिरहेको र अबको दिनमा समेत सहकार्य गरी अगाडि बढ्ने बताउनुभयो ।
त्यसैगरी, चितवन उद्योग संघ गभर्निङ काउन्सिलका अध्यक्ष भेषराज दुवाडीले कार्ययोजना तर्जुमा गोष्ठीमा प्रस्तुत गरिएका योजनाहरुले संघका अधुरा परियोजनाहरुलाई अगाडि बढाउन सहयोग पुग्ने बताउनु भयो ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष एवम् कार्यक्रम संयोजक विशाल चापागाई धन्यवाद मन्तव्य सहित औपचारिक कार्यक्रम समापन र फेलोसिप शुभारम्भको घोषणा गर्नुभएकोथियो ।
