भरतपुर/आगामी फागुन २१ गते हुने निर्वाचनलाई सफल बनाउने उद्देश्यका साथ जेनजी चितवनले आफ्नो अभियानलाई तीब्रता बनाएको छ । जेनजी चितवनले भरतपुर महानगरपालिकाका उपप्रमुख चित्रसेन अधिकारीलाई पत्र मार्फत सम्पूर्ण वडाहरुलाई सक्रिय रुपमा सहभागिता जनाउनको लागि पहल गरिदिन अनुरोध समेत गरेको छ । यसअघि भरतपुर महानगरपालिका वडा नं.४ मा समेत आगामी निर्वाचन सम्बन्धी जनचेतना कार्यक्रमका लागि सहयोग गर्न पहल गरिएको थियो । वडा नं. ४ मा कार्तिक १ गते बिहान ११ः०० बजे पहिलो जनचेतना कार्यक्रम सञ्चालन हुने भएको छ ।

त्यस्तै कार्यक्रम मार्फत आम नागरिकलाई मतदानको महत्व, योग्य प्रतिनिधि चयनका मापदण्ड, र निर्वाचन प्रक्रियाबारे सचेत बनाउने उद्देश्य राखिएको जेनजि चितवनद्वारा जारी विज्ञप्तिमा उल्लेख गरिएको छ ।
विज्ञप्तिमा निर्वाचन कार्यक्रमलाई अझ प्रभावकारी बनाउनका लागि निर्वाचन सम्बन्धी पम्पलेट, भिडियो सामाग्री, सम्भव भएसम्म कार्यालयका प्रतिनिधि पठाई सहयोग गर्नको लागि समेत अनुरोध गरिएको छ । युवा पुस्ता राष्ट्र निर्माण र स्वच्छ नेतृत्व चयनमा योगदान पु¥याउने दृढ प्रतिबद्धताका साथ यो अभियान अघि बढाइएको विज्ञप्तिमा उल्लेख छ ।