भरतपुर/भरतपुर महानगरपालिका वडा नं. ४ जेनजी चितवनले आगामी फागुन २१ गते हुने निर्वाचनलाई लक्षित गरी जनचेतना कार्यक्रम सञ्चालन गर्ने योजना बनाएको छ । जेनजि चितवन, वडा नं. ४ का जेनजी युवाहरुले जिल्ला निर्वाचन कार्यालयका कार्यालय प्रमुख भिमसेन कार्कीलाई कार्यालय परिसरमा भेटी आगामी निर्वाचन सम्बन्धी जनचेतना कार्यक्रमका लागि सामग्री उपलब्ध गराउन समेत माग गरिएको छ । त्यस्तै कार्यक्रम मार्फत आम नागरिकलाई मतदानको महत्व, योग्य प्रतिनिधि चयनका मापदण्ड, र निर्वाचन प्रक्रियाबारे सचेत बनाउने उद्देश्य राखिएको जेनजि चितवनद्वारा जारी विज्ञप्तिमा उल्लेख गरिएको छ ।
विज्ञप्तिमा निर्वाचन कार्यक्रमलाई अझ प्रभावकारी बनाउनका लागि निर्वाचन सम्बन्धी पम्पलेट, भिडियो सामाग्री, सम्भव भएसम्म कार्यालयका प्रतिनिधि पठाई सहयोग गर्नको लागि समेत अनुरोध गरिएको छ । युवा पुस्ता राष्ट्र निर्माण र स्वच्छ नेतृत्व चयनमा योगदान पु¥याउने दृढ प्रतिबद्धताका साथ यो अभियान अघि बढाइएको विज्ञप्तिमा उल्लेख छ ।
