भरतपुर/चितवनका स्थानिय उद्यमीहरुको सक्रियतामा भरतपुर महानगरपालिका वडा नं १० विमानस्थल अगाडि चितवन विजनेशन कम्प्लेक्स निर्माण गरिएको छ । उक्त कम्प्लेक्समा चितवन विजनेश कम्प्लेक्स होटल प्रा।लि सिविसी र चितवन विजनेशन मार्टले सेल्सवेरीको ३८ औं शाखा सञ्चालन गरेको छ ।

एक लाख सात हजार स्क्वायरफिटमा फैलिएको कम्प्लेक्स दुई तला अण्डरग्राउण्डसहित ११ तल रहेको छ । अण्डरग्राउण्ड दुई तलामा पार्किङ, तीन तलामा सेल्सवेरी, छ वटा तलामा होटल सञ्चालन गरिएको छ । अन्तर्राष्ट्रिय रुपमा ख्यातीप्राप्त अमेरिका, भारत, नेपाल लगायतका विभिन्न देशहरुमा चेन होटल सञ्चालन गरेको हस्पिटालिटीसंगको सहकार्यमा होटल सञ्चालनमा ल्याईएको हो । होटलमा ५८ वटा कोठा रहेका छन् । प्रेसिडेन्टियल १, स्वीट ३, सुपर डिलक्स १०, प्रिमियम १५ र बाकी स्टान्डर्ड कोठा रहेका छन् । होटलमा सन् २०२५ भरी २५ प्रतिशत छुटको व्यवस्था गरिएको छ ।

होटलमा पांच सय क्षमताको सभा हल, एक सय क्षमताको कन्फ्रेन्स हल, तीन वटा ३० जना क्षमताका बैठक कक्ष रहेका छन् । रेष्टुरेन्टमा बाहिर र भित्र गरी १२५ जना एकै पटक बसेर सेवा लिन सक्ने क्षमता रहेको छ । होटलको माथिल्लो तलामा स्वीमिङ पुल रहने छ ।

कम्प्लेक्समा सेल्सवेरीको ३८ औं शाखा सञ्चालनमा आएको छ । ग्रोसरी, हाउसवयर, इलेक्ट्रोनिक्स, कस्मेटिक्स, मदिरा (लिक्वायर) लगायत घरायसी सम्पूर्ण सामग्री रहेका छन् । कपडा र फर्निचर पनि निकट भविष्यमा उपलब्ध हुनेछन् । दसैं तिहारको अवसरमा १५ प्रतिशतसम्म छुटको व्यवस्था रहेको छ ।

दुई तलाको पार्किङमा चार पाने ८० वटा र दुई सय वटा दुई पाङ्गे सवारी साधन पार्किङका लागि सहज व्यवस्था रहेको छ । भवन र होटल गरी कूल लगानी एक सय ६० करोड लगानी भएको छ भने सेल्सवेरीमा छुट्टै २५ करोड रुपैयाँ लगानी रहेको छ । लक्ष्मी सनराईज बैंकसँग सहकार्य गरिएको छ। यहाँका स्थानीय १८ जना व्यवसायीहरुको यसमा लगानी रहेको चितवन विजनेशन कम्प्लेक्स होटल प्रा.लि. (सिविसी)का अध्यक्ष दिनुप कुमार बरालले जानाकारी गराउनु भयो । @highlight ujyalotimes.com