रत्ननगर इकाई समितिको प्रथम साधारण–सभा सम्पन्न

रत्ननगर, १८ असोज/चितवन उद्योग संघ रत्ननगर इकाई समितिको प्रथम साधारण–सभा चितवन फरेष्ट रिसोर्ट प्रा.लि. को सभाहलमा सम्पन्न भएको छ । रत्ननगर इकाई समितिका अध्यक्ष गजेन्द्र अधिकारीको अध्यक्षतामा सम्पन्न साधारण–सभामा चितवन उद्योग संघका अध्यक्ष राजु पौडेल प्रमुख अतिथि रहनुभएको थियो ।

रत्ननगर इकाई समितिका सदस्य सुरज पौडेलले स्वागत मन्तव्य राख्नु भएको कार्यक्रममा चितवन उद्योग संघका निवर्तमान अध्यक्ष भेषराज दुवाडी, बरिष्ठ उपाध्यक्ष त्रिलोचन कँडेल विशिष्ट अतिथि रहनुभएको थियो । साधारणसभामा चितवन उद्योग संघका उपाध्यक्ष युगराज वस्ती, कार्यकारी निर्देशक गणेशप्रसाद सिलवाल, क्षेत्रीय होटल संघ, सौराहाका अध्यक्ष दिपक भट्टराई, रेष्टुरेण्ट एण्ड वार एशोसिएसन सौराहाका अध्यक्ष दिपेन्द्र प्रसाद खतिवडा, युनाईटेड हात्ती सहकारी संस्था लिमिटेडका अध्यक्ष ऋषि तिवारी, चितवन उद्योग संघका कार्यसमिति सदस्य एवं खैरहनी इकाई समितिका अध्यक्ष प्रतिभा श्रेष्ठ, चितवन उद्योग संघका कार्यसमिति सदस्य एवं कालिका इकाई समितिका अध्यक्ष प्रकाशचन्द्र भट्टराई, कार्यसमिति सदस्य मदन चिरञ्जीवी पोखरेल, चितवन उद्योग संघका कार्यसमिति सदस्य एवं महिला उद्यमी मञ्चका अध्यक्ष सुधा सुवेदी पौडेल, चितवन उद्योग संघ युवा उद्यमी मञ्चका निर्देशकहरु सुरेन्द्र कार्की, मुक्ति पोखरेल, प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, स्टोर किपर उमेश श्रेष्ठ लगायत रत्ननगर क्षेत्रका उद्योगीहरुको उपस्थिति रहेको थियो ।

रत्ननगर इकाई समितिका अध्यक्ष गजेन्द्र अधिकारीले प्रस्तुत गर्नुभएको बार्षिक कार्यप्रगति र भावी योजना समावेश भएको अध्यक्षको प्रतिवेदन, कोषाध्यक्ष गोविन्द प्रसाद खनालले प्रस्तुत गर्नुभएको आ.व.०७६/०७७ को आर्थिक प्रतिवेदन माथि छलफल गरी सभाका सदस्यहरुले सर्वसम्मत रुपमा पास गरेका थिए ।

साधारणसभाले गरेका निर्णयहरुलाई प्रमाणित गर्न सुभाषचन्द्र गौतम, कपिल रेग्मी, अन्जना पुडासैनीलाई जिम्मा लगाइएको थियो । साधारणसभाले शिव खनालको संयोजकत्वमा युवा उद्यमी मञ्च रत्ननगर, प्रमिला पोखरेलको संयोजकत्वमा महिला उद्यमी मञ्च रत्ननगर समेत गठन गरेको छ ।

उक्त अवसरमा रत्ननगर इकाई समितिमा आवद्ध रही सञ्चालनमा रहेका सदस्य उद्योगहरु मध्येबाट इकाई समितिका गतिविधिहरुमा सहभागिता र निर्वाह गरेको भूमिकाको आधारमा समितिले गरेको मूल्याङ्कनको आधारमा कालिमा ह्याचरीका सञ्चालक उमाकुमारी सापकोटा र होटल रोयल सफारीका सञ्चालक शम्भु प्रसाद मालीलाई सफल उद्यमीका रुपमा सम्मान गरिएको थियो । साधारणसभाको अवसरमा विश्वमा महामारीको रुपमा फैलिएको कोरोना भाइरस (कोभिड–१९) संक्रमणको समयमा स्थानीय इकाईमा राहत वितरण प्रयोजनार्थ चितवन उद्योग संघ, रत्ननगर इकाई समितिले सहयोगको लागि आह्वान गरे बमोजिम सहयोग गर्ने सहयोगी दाताहरुलाई समेत सम्मान गरिएको थियो ।

चितवन उद्योग संघका प्रशासकीय अधिकृत गोविन्द प्रसाद पौडेलले सञ्चालन गर्नुभएको कार्यक्रममा संघका कार्यकारी निर्देशक गणेशप्रसाद सिलवालले चितवन उद्योग संघ र चितवन औद्योगिक विकास साकोसका गतिविधि र सञ्चालन प्रक्रियाका बारेमा प्रस्तुतिकरण गर्नुभएको थियो ।