चितवन/ग्लोबल रिचले आउँदो भदौ २ गते चितवन शाखा कार्यालय परिसर, भरतपुर ओरालोमा शैक्षिक मेला आयोजना गर्ने भएको छ। हरेक वर्ष झैं यो मेला जनवरी/फेब्रुअरी इन्टेक लक्षित गर्दै आयोजना गरिएको हो। संस्थाका चितवन शाखा प्रमुख सुरेश पौडेलका अनुसार, अष्ट्रेलिया अध्ययनका लागि इच्छुक विद्यार्थी र अभिभावकलाई प्रत्यक्ष कलेज प्रतिनिधिसँग परामर्श गर्ने अवसर प्रदान गर्ने उद्देश्यले मेला आयोजना गरिएको हो। “हामीले चितवनमा हरेक वर्ष दुईपटक शैक्षिक मेला गर्दै आएका छौँ,” उहाँले बताउनुभयो, “विद्यार्थीले विभिन्न कलेज तथा युनिभर्सिटीका प्रतिनिधिसँग प्रत्यक्ष भेटघाट गरेर परामर्श गर्न पाउने छन्।”

मेलामा अष्ट्रेलियाका ८ वटा प्रतिष्ठित कलेज तथा युनिभर्सिटीका प्रतिनिधिहरूले विद्यार्थीलाई परामर्श दिनेछन्। Bachelor देखि PhD तहसम्म अध्ययनको सोच बनाएका विद्यार्थीहरूले कोर्स छनोट, स्कलरसिप, शुल्क संरचना लगायतका विषयमा जानकारी पाउनेछन्। साथै, मेलामा सहभागी विद्यार्थी र अभिभावकका लागि मायाको चिनो पनि प्रदान गरिनेछ।

डकुमेन्ट तयार भएका विद्यार्थीहरूले मेला स्थलमै अन-द-स्पट आवेदन दिन सक्ने व्यवस्था गरिएको पौडेलले जानकारी दिनुभयो। उहाँका अनुसार, साउथ एशियामा सबैभन्दा बढी कलेज र युनिभर्सिटीहरूसँग सहकार्य गर्दै आएको संस्था ग्लोबल रिचमार्फत आवेदन दिने विद्यार्थीले आफूले रोजेको विषय र शिक्षालयमा अध्ययनको मौका पाउने सम्भावना उच्च हुन्छ।

चितवन मात्र नभई नवलपरासी, मकवानपुर लगायत आसपासका जिल्लाबाट पनि विद्यार्थी तथा अभिभावकको उल्लेख्य सहभागिता रहने अपेक्षा गरिएको छ।मेलाको सञ्चालन समय बिहान ११ बजेदेखि अपरान्ह ४ बजेसम्म हुनेछ। ३४ वर्षदेखि शैक्षिक परामर्श सेवामा क्रियाशील ग्लोबल रिचले नेपालमा १९ वर्षदेखि निरन्तर सेवा दिँदै आएको छ। नेपालमा काठमाडौँ, पोखरा, बुटवल र चितवन गरी चारवटा शाखा रहेका संस्थाका भारत, बंगलादेश, भुटान, श्रीलंका र अष्ट्रेलियालगायत देशहरूमा कुल ४२ वटा शाखाहरू सञ्चालनमा छन्। संस्थाले अष्ट्रेलिया, क्यानडा, बेलायतलगायतका देशहरूमा उच्च शिक्षाका लागि जाने विद्यार्थीलाई शैक्षिक परामर्श, भर्ना प्रक्रिया, भिसा आवेदनमा सहयोग गर्दै आएको छ। साथै, IELTS र PTE तयारी कक्षा पनि सञ्चालनमा रहेको छ।