भरतपुर/“स्वच्छ कर प्रशासनः विकास र सुशासन” भन्ने मूल नारा सहित आठौं राष्ट्रिय कर दिवस तथा कर सप्ताह २०७६ मंसिर १ गतेदेखि ७ गतेसम्म सञ्चालन हुँदैछ ।
आन्तरिक राजश्व कार्यालय भरतपुरको आयोजनामा भएको कार्यक्रमको पहिलो दिन आज प्रभातफेरी कार्यक्रम सम्पन्न भयो । उद्योग वाणिज्य संघ–चितवनको प्राङ्गणबाट शुरु भएको प्रभातफेरी कार्यक्रममा चितवन उद्योग संघ, उद्योग वाणिज्य संघ–चितवन, चेम्बर अफ कमर्श लगायतको सहभागिता रहेको थियो ।
प्रभातफेरी कार्याक्रममा संघको तर्फबाट चितवन उद्योग संघका अध्यक्ष भेषराज दुवाडी, बरिष्ठ उपाध्यक्ष राजु पौडेल, कार्यकारी निर्देशक गणेशप्रसाद सिलवाल, कार्यसमिति सदस्यहरु मदन चिरञ्जीवी पोखरेल, बिष्णुप्रसाद पौडेल, ताराबहादुर कार्की, गजेन्द्र अधिकारी, गोपाल प्रसाद गैरे र ईश्वरीप्रसाद रिजाल, चितवन उद्योग संघ महिला उद्यमी मञ्चककी सदस्य पार्वती कुँबर, चितवन उद्योग संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट, कार्यालय सहायकहरु सावित्री पौडेल, शोभा थापा लगायतको उपस्थिति रहेको थियो ।
प्रभातफेरी लगत्तै आन्तरिक राजश्व कार्यालयमा कार्यक्रमको समापन गरिएको थियो । आन्तरिक राजश्व कार्यालय भरतपुरका प्रमुख शुभ रिजालको सभापतित्वमा सम्पन्न कार्यक्रममा प्रमुख जिल्ला अधिकारी जितेन्द्र बस्नेत प्रमुख अाितथि रहनुभएको थियोे । समापन कार्यक्रममा चितवन उद्योग संघका अध्यक्ष भेषराज दुवाडी, उद्योग वाणिज्य संघ–चितवनका अध्यक्ष सहनलाल प्रधान, चेम्बर अफ कमर्शका अध्यक्ष दीर्घमान श्रेष्ठलगायतले शुभकामना मन्तव्य राख्नुभएको थियो ।
