खैरहनी/साउन १ गतेदेखि खैरहनीस्थित करदाता सेवा कार्यालयलाई औपचारिक रूपमा आन्तरिक राजस्व कार्यालयको रूपमा स्तरोन्नति गरिएको छ। यस ऐतिहासिक निर्णयसँगै खैरहनी क्षेत्रका व्यवसायी, उद्योगी तथा सर्वसाधारणमा उत्साह छाएको छ। उद्योग वाणिज्य संघ खैरहनीका अध्यक्ष कुमार खनालले शुभकामना व्यक्त गर्दै कर प्रणालीलाई अझ सरल, पारदर्शी र प्रभावकारी बनाउन संघको तर्फबाट सहकार्यको प्रतिबद्धता जनाउनुभएको छ। संघका अनुसार कार्यालयको स्तरोन्नतिसँगै करदाताहरूलाई सेवा प्राप्त गर्न थप सहजता हुने, प्रशासनिक प्रक्रिया छरितो हुने र कर प्रणालीप्रति विश्वास अझ बलियो हुने विश्वास गरिएको छ।यो निर्णयले खैरहनी लगायत आसपासका क्षेत्रका व्यवसायिक गतिविधि, उद्योग प्रवर्द्धन र राजस्व संकलनमा सकारात्मक प्रभाव पार्ने अपेक्षा गरिएको छ।