भरतपुर/चितवनलाई पूर्ण खोप सुनिश्चितता तथा दिगोपनका रूपमा घोषणा गरिएको छ । जिल्ला खोप समिति चितवनका संयोजक एवं जिल्ला समन्वय समिति चितवनक प्रमुख नारायण प्रसाद अधिकारीको अध्यक्षतामा चितवनलाई पूर्ण खोप सुनिश्चितता गराइएको हो । कार्यक्रममा बागमती प्रदेश स्वास्थ्य निर्देशनालय हेटौंडाका निर्देशक डा. नरेन्द्र कुमार झाले स्वास्थलाई गाउँसम्म पुराउन प्रयास गरिएको बताउनुभयो ।
उहाँले दुरदराजका नागरिकलाई सहज र सर्वसुलभ स्वास्थ्य सेवा प्रदान गराउन समेत जनस्तरमा आवाज उठ्ने गरेको गुनासो गर्नुभयो । आजको समयमा लगानी र गरिबी नै स्वास्थ्य क्षेत्रका लागि प्रमुख चुनौती बनेको बताउनुभयो । त्यस्तै कालिका नगरपालिकाका मेयर बिनोद रेग्मीले कालिका, राप्ती, भरतपुर र माडीका केही बिकट क्षेत्रमा अझैपनि स्वास्थ्यको पूर्वाधारमा ठुलो जटिलता बनेको स्मरण गर्नुभयो । अधिकांश चेपाङहरुको बसोबास रहेको क्षेत्रमा अचेतना र गरिबीका कारण स्वास्थ्य सेवाको पहुँचबाट टाढा बनेको उल्लेख गर्नुभयो ।