भरतपुर/नेपाल सरकारको आ.व.०८२/०८३ को बजेट र आर्थिक विधेयकको व्यवस्थाले उद्योग, व्यवसायमा पार्ने प्रभाव र मौद्रिक नीतिले सम्बोधन गर्नुपर्ने विषयमा छलफल तथा अन्तरक्रिया कार्यक्रम सम्पन्न भएको छ । चितवन उद्योग संघका कार्यवहाक अध्यक्ष मदन घिमिरेको अध्यक्षतामा सम्पन्न कार्यक्रममा आन्तरिक राजश्व कार्यालय चितवनका प्रमुख कर अधिकृत पुण्य विक्रम खड्काले उद्योग, व्यवसायमा लाग्ने व्यक्तिहरुले आर्थिक विधेयक, मौद्रिक नीति, आयकर, ऐन लगायतका विषयमा जानकार हुन जरुरी रहेको बताउनुभयो ।
चितवन उद्योग संघका कार्यवहाक अध्यक्ष मदन घिमिरेले स्वागतसँगै कार्यक्रमको बारेमा जानकारी गराउनु भएको कार्यक्रममा आन्तरिक राजश्व कार्यालयका कर अधिकृत विमल पौडेलले आर्थिक विधेयक २०८२ ले प्रदान गरेका छुट, आयकर ऐन लगायतका विषयमा, सहकार्य संस्था नेपाल चार्टर्ड एकाउन्टेन्ट संघ, बागमती प्रदेशका अध्यक्ष निशान पौडेलले आ.व.०८२/०८३ को बजेटले पारेको प्रभाव, आर्थिक विधेयकको व्यवस्थाले उद्योग, व्यवसायमा पार्ने प्रभाव र मौद्रिक नीतिले सम्बोधन गर्नुपर्ने लगायतका विषयमा प्रस्तुतिकरण गर्नुभएको थियो ।
छलफलका कार्यक्रममा आनन्द पौडेल, ईश्वर भण्डारी, युग राज वस्ती, अश्विन गोले लगायतका उद्योगीहरुले स्टार्ट अप बिजनेश, ट्याक्स होलिडे, एक्जिम कोर्ड, विदेशी लगानीको व्यवस्था लगायतका विषयहरुमा जिज्ञासा राखेका थिए । उद्योगीहरुबाट आएका जिज्ञासाहरुलाई छलफल तथा अन्तरक्रिया मार्फत समाधान गर्ने प्रयास गरिएको थियो ।
Advertisement
