मकवानपुर/मनहरी अस्पतालको आयोजना तथा पुष्पाञ्जली हस्पिटल प्रा.लि.भरतपुरको प्राबिधिक सहयोगमा मनहरी अस्पतालमा एकदिने नि:शुल्क स्वास्थ्य शिविर सम्पन्न भएको छ। शिविरमा २०२ जनाले सेवा लिएको पुष्पाञ्जली हस्पिटलका सामाजिक सेवा प्रमुख केदार सुवेदी वताउनुभयो । एकदिनसम्म सञ्चालित सो शिविरमा वरिष्ठ न्युरो सर्जन डा.कुमार पौडेलले शिविरमा सहभागीलाई नशा रोग,उपचार पद्धति र यो रोगबाट बच्च अपनाउनु पर्ने सावधानीका विषयमा सहजीकरण गर्नुभएको थियो ।

कार्यक्रममा गाउँपालिकाका अध्यक्ष रन्जन कालाखेती,मनहरी अस्पताल व्यवस्थापन समिति अध्यक्ष ठाकुरराम तितुंग,पुष्पाञ्जली हस्पिटलका प्रवन्ध निर्देशक सुजनराज अधिकारी र मनहरी अस्पतालकी प्रमुख डा.रश्मी झा लगायतको उपस्थिति रहेको थियो । शिविरमा सेवाग्राहीहरुको लागि आवश्यक औषधि र नशाको स्पर्श ‘सेन्स’ टेष्ट सहितको सेवा प्रदान गरिएको पुष्पाञ्जली हस्पिटलका प्रवन्ध निर्देशक सुजनराज अधिकारीले जानकारी दिनुभयो । शिविर कार्यक्रमको समन्वय मनहरी गाउँपालिकाले गरेको थियो ।