आज जेष्ठ १५ गते १८ औं गणतन्त्र दिवसको अवसरमा राष्ट्रिय युवा संघ नेपाल राप्ती नगर कमिटीको आयोजनामा राप्ती नगरपालिका वडा नं १० स्वामीटार स्थित विगत २ वर्ष देखी दुवै मृगौंलामा समस्या भई डायलेसिस गराई राख्नु भएका २४ वर्षीय सपना प्रजा चेपाङको निवासमा पुगी आर्थिक सहयाग गरेको छ । कार्यक्रमको अध्यक्षता राप्ती नगर कमिटीका कार्यवहाक अध्यक्ष मनिष पुनले गर्नु भएको थियो भने प्रमुख आतिथ्यता राष्ट्रिय युवा संघ नेपाल चितवन जिल्ला कमिटीका सचिव उत्तम सेढाईले गर्नु भएको थियो । कार्यक्रमा मन्तब्य राख्नु हुदै सचिव सेढाईले राष्ट्रिय युवा संघ नेपाल राप्तीले केही हप्ता अगाडी राप्ती -८ स्थित जनप्रिय आधारभुत विध्यालयका विध्यार्थी भाई बहिनीहरुलाई गरेको शैक्षिक सामाग्री वितरण कार्यक्रम र आज गणतन्त्र दिवसको अवसरमा दीर्घ रोगी युवतीलाई गरेको आर्थिक सहयोगको प्रशंसा गर्दै राप्तीमा युवा संघ जनतामुखी हुदै अगाडी बढेको धारणा राख्नु भयो र आगामी दिनहरुमा पनि यस्ता खाले सृजनशील र जनपक्षीय कामहरुलाई तिब्रता दिनु पर्नेमा जोड दिनु भयो ।

कार्यक्रमा राष्ट्रिय युवा संघ नेपाल राप्ती १० का अध्यक्ष सुदिप प्रजाले कार्यक्रमको प्रशंसा गर्दै आफ्नो वडामा भएको उक्त आर्थिक सहयोग कार्यक्रम प्रति धन्यवाद व्यक्त गर्नु भयो । मन्तव्य राख्नु हुदै जिल्ला कमिटी सदस्य जीत वहादुर तमाङले युवाहरु आगामी दिनहरुमा समाज रुपान्तरणको अभियानमा अग्रमोर्चामा रहनु पर्ने कुरा व्यक्त गर्नु भयो । कार्यक्रममा नगर कमिटीका सचिव बुद्दि बल तमाङ, उप सचिव अरुण अर्याल, कोषाध्यक्ष रुपा विक, पार्टी चितवन जिल्ला लेखा कमिटी सदस्य सुजन थापा काजी, लगायतका युवा संघ राप्तीनगर कमिटी सदस्यहरु , राप्ती १० वडा कमिटीका सचिव मिलन प्रजा तथा अन्य सदस्यहरुको उपस्थिति रहेको थियो ।कार्यक्रममा मृगौला रोगी सपना प्रजा चेपाङलाई उहाको पिता मंगल प्रजाको उपस्थितिमा नगद रु २४,२०० ( चौबिस हजार दुई सय) सहयोग रकम हस्तान्तरण गरिएको थियो । कार्यक्रमको समापन मन्तब्य राख्नु हुदै कार्यवहाक अध्यक्ष मनिष पुनले सहयोग गर्नु हुने कमिटीका अध्यक्ष ध्रुब खत्री, जिल्ला सचिव उत्तम सेढाई , राप्ती ईन्चार्ज रोजिना भट्टराई, राप्ती सचिव बुद्दि बल, कोषाध्यक्ष रुपा बिक, उपसचिव अरुण अर्याल, महिला विभाग उपप्रमुख देवि तमाङ,कमिटी सदस्य सम्झना थिङ, घनश्याम सुवेदी, राप्ती १ अध्यक्ष अमृत सुवेदी, पार्टी जिल्ला लेखा सदस्य सुजन थापा लगाएतका सम्पुर्ण सहयोग दाताहरुलाई धन्यवाद दिनु भएको थियो र राप्ती नगरकमिटीले आगामी दिनहरुमा पनि युवा लक्षित कार्यक्रमहरु आयोजना गर्ने कुरा जनाउनु भयो ।