भरतपुर/स्थानीय र संसदीय निर्वाचनको झल्को दिने गरी होली भिजन पब्लिक स्कुल भरतपुर ४ चितवनमा सम्पन्न निर्वाचनबाट विजयी विद्यार्थीहरुलाई आज शुक्रवार सपथ ग्रहण गराइको छ । होली भिजन पब्लिक स्कुल विद्यार्थी सभाको निर्वाचनबाट अध्यक्षमा प्रशान्त काफ्ले, उपाध्याय सुदर्शन सापकोटा र सचिवमा निर्वाचित विवेश भण्डारीलगायत विभिन्न हाउसका प्रमुख र उपप्रमुखमा निर्वाचित भएका विद्यार्थीहरुलाई प्रमुख निर्वाचन आयुक्त वेगनाथ गैरेले सपथ ग्रहण गराउनु भएको हो ।
निर्वाचित विद्यार्थीहरुलाई सपथ ग्रहण गराउँदै प्रमुख निर्वाचन आयुक्त वेगनाथ गेैरेले निर्वाचनको महत्व प्रकाश पार्दै आफ्नो पदीय जिम्मेवारी बुझेर अगाडि बढ्नुपर्ने आवश्यकता औँल्याउनुभयो ।
सपथ ग्रहण कार्यक्रममा विद्यालयका प्राचार्य मीनराज बस्ताकोटीले विद्यार्थीहरुलाई जिम्मेवार बनाएर शैक्षिक शत्र २०८२ सालका विभिन्न शैक्षिक गतिविधिहरुलाई व्यवस्थित रुपले अगाडि बढाउने उद्देश्यले लोकतान्त्रिक प्रक्रियाअनुसार निर्वाचन गरिएको जानकारी दिँदै आ-आफ्नो जिम्मेवारी बुझेर काम गर्न निर्देशन दिनुभयो।
निर्वाचनको लागि सात ओटा मतपेटिका राखिएको थियो भने मत पत्रहरु तयार गरी स्वस्तिक चिन्ह लगाएर मतदान गर्ने व्यवस्था गरिएको थियो । अघिल्लो दिने नै उम्मेद्वारहरुको अन्तिम नामावली प्रकाशित गरी मतदाताहरुलाई मतदाता शिक्षा प्रदान गरिएको र मौन अवधिसमेत तोकिएको हुनाले मतदान कार्य सहज भएको विद्यालयका अतिरिक्त क्रियाकलाप प्रमुख केशव पौडेलले जानकारी दिनुभयो ।
मतदान स्थलमा व्यवस्थित रुपले मतदान गर्ने व्यवस्था मिलाईएको थियो भने पर्यवेक्षकहरुले पनि मतदान स्थलमा अनुगमन गरेका थिए । निर्वाचनमा निर्वाचन आचारसंहिता जारी गरी गरिएको थियो । स्वयमसेवकहरुले मतदाताहरुलाई आवश्यक सहयोग गरिरहेका थिए भने मतदाताहरु खुशी भएर मतदान गरेका थिए ।
‘मतदानको कुरा सुनिएको थियो , आज प्रत्यक्ष सहभागी भएर मतदान गर्न पाउँदा खुशी छौँ , हामीलाई निर्वाचन सम्बन्धी पाठ बुझ्न सजिलो भयो।’ कक्षा ९ मा अध्ययनरत विद्यार्थी केशव कंडेलले जानकारी दिए ।
निर्वाचन कार्यक्रममा कक्षा ४ देखि १० सम्म अध्ययनरत विद्यार्थीहरु सहभागी भएका थिए ।
Advertisement
