भरतपुर/जिल्ला प्रहरी कार्यालय चितवनका प्रहरी प्रमुखसँग परिचयात्मक एवम् औद्योगिक प्रवद्र्धनको विषयमा छलफल कार्यक्रम सम्पन्न भएको छ । चितवन उद्योग संघका कार्यवहाक अध्यक्ष मदन घिमिरेको अध्यक्षतामा सम्पन्न कार्यक्रममा जिल्ला प्रहरी कार्यालय चितवन प्रहरी उपरीक्षक गोविन्द पुरीसँग परिचयात्मक एवम् औद्योगिक प्रवद्र्धनको विषयमा छलफल गरिएको थियो ।
चितवन उद्योग संघका कार्यवहाक अध्यक्ष मदन घिमिरेले स्वागत मन्तव्यसँगै संघका गतिविधिहरुको बारेमा प्रकाश पार्नुभएको कार्यक्रममा विशिष्ट व्यक्तित्व जिल्ला प्रहरी कार्यालय चितवन प्रहरी उपरीक्षक गोविन्द पुरीले उद्योगी, व्यवसायीहरुमा सुरक्षाको कारण साना या ठूला समस्याहरु सिर्जना भएको खण्डमा आफूहरुलाई तुरुन्त समन्वय गर्नुहुन आव्हान गर्नुभयो । चितवनमा हाम्रा युनिटहरुले सुरक्षाको प्रत्याभूती हुने काम गरिरहेका अझै उद्योगी, व्यवसायीहरुको समस्यालाई तुरुन्त समाधान गर्न पहल गर्ने प्रतिवद्धता समेत व्यक्त गर्नुभयो ।
छलफलमा चितवन उद्योग संघ, गभर्निङ काउन्सिलका अध्यक्ष भेषराज दुवाडीले उद्योगहरुबाट उत्पादन भई खरिद बिक्री पश्चात हिसाब मिलानका क्रममा आएका विवादहरुले उद्योगी, व्यवसायीहरुमा समस्या पर्न गएको हुँदा यसलाई छिट्टै समाधान गर्नुपर्ने बताउनुभयो ।
त्यस्तै चितवन उद्योग संघका निवर्तमान अध्यक्ष त्रिलोचन कँडेलले उद्योगी, व्यवसायीहरुबाट सहयोग उपलब्ध गराई जिल्लाका विभिन्न संघ–संस्था, कार्यालयहरुमा निर्माण भएका संरचनाहरुको सही सदुपयोग भए या नभएको निगरानी गरी त्यसको उचित व्यवस्थापन गर्नुपर्ने बताउनुभयो ।
त्यस्तै चितवन उद्योग संघका पूर्व अध्यक्ष तारा प्रसाद पौडेलले प्रहरीले सुरक्षासँगै जिल्लाका मुख्य–मुख्य स्थानहरुमा रहेको ट्राफिक व्यवस्थापनलाई समेत निगरानी गरी दुर्घटना न्यूनिकरणका लागि पहल गर्नुपर्ने बताउनुभयो ।
चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गजेन्द्र अधिकारीले धन्यवाद मन्तव्य सहित समापन गर्नुभएको थियो।
Advertisement
