चितवन/नेपाल नर्सिङ संघ चितवनले २०५ औँ अन्तराष्ट्रिय नर्सिङ दिवसको अवसरमा आयोजना गरेको  महिला स्वास्थ्य शिविरमा ४५ जनाले स्वास्थ्य  परीक्षण गराएका छन् । विपि कोइरला मेमोरियल क्यान्सर अस्पतालको प्राविधिक सहयोग, नौरङे टोल विकास संस्थाको समन्वयमा नेपाल नर्सिङ संघले आयोजना गरेको पाठेघरको मुखको क्यान्सरको प्रारम्भीक परिक्षण गर्ने निशुल्क भिआइए क्याम्मा ३० देखी ६० बर्ष उमेर समुहका ४५ जना महिलाले परिक्षण गराएका हुन् ।

नेपाल नर्सिङ संघ चितवन शाखाकी सचिव विष्णु माया अधिकारी र नर्सिङ स्टाफ गीता पाठकले परिक्षण गर्नु भएको शिविरमा नौरङगे टोलबासी, भरतपुर १२ र ११ का सबै टोलबासी महिलाहरुले पाठेघरको मुखको क्यान्सर सम्बन्धि स्वास्थ्य परिक्षण गरीएको नौरंगे टोल विकास संस्थाकी सचिव संगीता बानिया थापाले कालिका एफलाई जानकारी दिनु भयो । साथै निशुल्क परिक्षणमा कोही पनी पाठेघरको मुखको क्यान्सरको विरामी फेला नपरेकोले इन्फेसन भएकाहरुलाई र शकां लागेकालाई क्यान्सर अस्पताल र भरतपुर सरकारी अस्पतालमै गएर परिक्षण गराउन सुझाब दिएको थापाले बताउनु भयो ।

नेपाल नर्सिङ संघ चितवन शाखाकी अध्यक्ष मथुरा सापकोटाको अध्यक्षतामा भएको कार्यक्रममा  सचिव विष्णु माया अधिकारीले कार्यक्रम सन्चालन गर्नु भएको थियो ।कार्यक्रमका प्रमुख अतिथि वडा नं.१२ का वडा अध्यक्ष लेखराज पन्त हरिले वडामा क्यान्सर सम्बन्धि विरामी बढ्दै गएको समयमा शिविर सन्चालन गर्नु राम्रो कुरा भएकोमा स्वागत गर्नु भयो ।

यस्तै नौंरङे टोल विकास संस्थाका अध्यक्ष सन्तोष पन्तले स्वागत मन्तब्य राख्दै क्यान्सर रोगको विगविगी भएको बेलामा यस्ता कार्यक्रमले राम्रो सन्देश दिने बताउनु भयो । साथै कार्यक्रम राम्रो भएकोले वडा बासी महिला दिदी बहिनीलाई सहभागिता जनाएर स्वास्थ्य लाभ लिन आग्रह गर्नु भयो । शिविरमा नेपाल नर्सीङ संघ केन्द्रका बरिष्ठ उपाध्यक्ष रमेश सुब्बा, केन्द्रका उपाध्यक्ष बविता घिमिरेकोे आतिथ्यता रहेको थियो ।