सरिता अधिकारीको नेतृत्वमा ११ सदस्य नयाँ कार्यसमिति चयन

भरतपुर/संस्कृति आमा समूह, काँडाघारीको ११ औं वार्षिक साधारणसभा तथा ८ औं अधिवेशन सम्पन्न भएको छ । संस्कृति आमा समूहकी अध्यक्ष मुना बानियाँको अध्यक्षतामा सम्पन्न कार्यक्रममा भरतपुर महानगरपालिका वडा नं.९ का वडाअध्यक्ष यमलाल कँडेल प्रमुख अतिथि रहनुभएको थियो । भने, वडा सदस्य सूर्य प्रसाद खनाल विशिष्ट अतिथि रहनुभएको थियो ।
संस्कृति आमा समूहकी उपाध्यक्ष सुभद्रा भट्टराईले स्वागत गर्नुभएको कार्यक्रममा कोषाध्यक्षको अनुपस्थितिमा लेखा संयोजक प्रतिमा भट्टराईले आर्थिक प्रतिवेदन, सचिव सरिता अधिकारीले सचिवको प्रतिवेदन पेश गर्नुभएको थियो ।
कार्यक्रममा प्रमुख अतिथि भरतपुर महानगरपालिका वडा नं.९ का वडाअध्यक्ष यमलाल कँडेल, विशिष्ट अतिथि वडा सदस्य सूर्य प्रसाद खनाल, अतिथिहरु छिमेकी आमा समूहहरुको तर्फबाट बिहानी टोल आमा समूहकी अध्यक्ष विमला बुढाथोकी, काँडाघारी टोल विकासका पूर्व अध्यक्ष गोविन्द प्रसाद पौडेल, उपाध्यक्ष कृष्ण शर्मा पौडेल लगायतले शुभकामना मन्तव्य राख्नुभएको थियो ।
साधारणसभाको अवसरमा संस्कृति आमा समूहको प्रतिनिधित्व गरेर वडा स्तरीय तीज गीत प्रतियोगितामा तृतीय र हाजिरी जवाफ कार्यक्रममा दोश्रो स्थान ल्याउने व्यक्तिहरु र टोलका सबैभन्दा ज्येष्ठ ९२ वर्षीया महिला बुद्धमाया मगरलाई सम्मान गरिएको थियो ।
त्यस्तै समूहको आठौं अधिवेशनबाट सरिता अधिकारीको नेतृत्वमा ११ सदस्य नयाँ कार्यसमिति चयन गरेको छ । समितिको निवर्तमान अध्यक्षमा मुना बानियाँ, उपाध्यक्षमा सुनिता शर्मा, सचिवमा पार्वती पौडेल, कोषाध्यक्षमा गोमा बस्नेत, सह–सचिवमा जमुना भट्टराई बस्याल, सदस्यहरुमा रमा देवी सुवेदी, कमला भट्टराई, भगवती थापा, चुना न्यौपाने, भगवती सावत रहनुभएको छ ।
त्यसैगरी प्रतिमा लामिछानेको संयोजकत्वमा लेखा समिति गठन गरिएको छ । समितिको सदस्यहरुमा सुुभद्रा अधिकारी र शोभा ढकाल रहनु भएको थियो । गोविन्द प्रसाद पौडेलको संयोजकत्वमा गठित निर्वाचन समितिको सदस्यहरुमा सुशिला भट्टराई र रिमा कुमारी महत रहनुभएको थियो ।