चितवन/जिरौनामा अवस्थित श्री कृष्ण प्रणामी मन्दिर (धर्मधाम) चितवनको जिरौनास्थित श्री कृष्ण प्रणामी मन्दिर (धर्मधाम) एक आकर्षक धार्मिक स्थल हो, जुन रत्ननगर नगरपालिका-१२ मा अवस्थित छ। यस मन्दिरमा भगवान श्री राधा–कृष्णको मूर्ति स्थापना गरिएको छ, र भक्तजनहरू यहाँ दर्शन तथा पूजाका लागि आउने गर्छन्।धर्मधामको निर्माण करिब ६ वर्षअघि स्थानीय बासिन्दाहरूको सहयोगमा गरिएको हो। यस मन्दिरको क्षेत्रफल लगभग १५ कठ्ठा रहेको छ, र भविष्यमा थप १० कठ्ठा विस्तार गर्ने योजना रहेको छ। मन्दिरको निर्माणमा करिब ५ करोड रुपैयाँको लागत लागेको बताइन्छ । सो मन्दिर परिसरमा सुन्दर बगैंचा, विभिन्न देवी–देवताका मूर्तिहरू, तुलसी मठ, राधा–कृष्णको विवाह मण्डप, र महन्थ धर्मदास महाराजको वृताकार मण्डप रहेका छन्। यस मन्दिरको वास्तुकला अत्यन्तै कलात्मक र आकर्षक छ, जसले भक्तजनहरूलाई आध्यात्मिक शान्ति प्रदान गर्छ।