रत्ननगर/चितवन उद्योग संघका पदाधिकारी र प्रदेश नं. ३ का मुख्यमन्त्री माननीय डोरमणि पौडेलबीच चितवन उद्योग संघले अघि सारेका मुख्य परियोजना चितवन प्रदर्शनी केन्द्र, भरतपुर महानगरपालिका वडा नं. २९ जुरेथुम्कामा रहेको प्रस्तावित औद्योगिक शिक्षालय र कालीका नगरपालिकामा रहेको शक्तिखोर औद्योगिक क्षेत्रको बारेमा छलफल भएको थियो ।

छलफलमा मुख्यमन्त्री तथा मन्त्रिपरिषद्को कार्यालय प्रदेश नं. ३ का मुख्यमन्त्री माननीय डोरमणि पौडेल, चितवन उद्योग संघ/चितवन औद्योगिक साकोसका अध्यक्ष एवं नेपाल उद्योग परिसंघका राष्ट्रिय परिषद् सदस्य भेषराज दुवाडी, प्रदेश सभा सदस्य माननीय कञ्चन खनाल, रत्ननगर नगरपालिकाका उपप्रमुख विमलादेवी दुवाडी, चितवन उद्योग संघका निवर्तमान अध्यक्ष भीमबहादुर पाण्डे, बरिष्ठ उपाध्यक्ष राजु पौडेल, उपाध्यक्ष त्रिलोचन कँडेल, कार्यसमिति सदस्य एवं चितवन उद्योग संघ रत्ननगर इकाई समितिका संयोजक गजेन्द्र अधिकारी, चितवन उद्योग संघका सञ्चार अधिकृत राजु भट्ट लगायतको उपस्थिति रहेको थियो ।

छलफलमा मुख्यमन्त्री माननीय डोरमणि पौडेलले चितवन उद्योग संघका अध्यक्ष भेषराज दुवाडीले अघि सारेका महत्वपूर्ण योजनाहरुको बारेमा आफू सकारात्मक रहेको र आफ्नो तर्फबाट आवश्यक सहयोग गर्न समेत पहल गर्ने बताउनुभयो ।