प्रदर्शनीको माध्यमबाट चितवनमा आर्थिक गतिविधिहरु चलायमान हुने : नगरप्रमुख रेनु दाहाल
भरतपुर/स्वदेशी उत्पादनको बजारीकरण गर्ने उद्देश्यका साथ चितवन उद्योग संघको आयोजनामा नवौं संस्करणको रुपमा नवौं अन्तर्राष्ट्रिय औद्योगिक प्रदर्शनी–२०८१ शुभारम्भ भएको छ । प्रदर्शनीको उद्घाटन गर्दै भरतपुर महानगरपालिकाकी प्रमुख रेनु दाहालले चितवनमा हुने प्रदर्शनीहरुले आर्थिक गतिविधिलाई चलायमान बनाउने बताउनुभयो ।
त्यस्तै विशिष्ट अतिथि जिल्ला समवन्य समिति चितवनका प्रमुख नारायण प्रसाद अधिकारीले स्वदेशी उद्योगहरुको संरक्षण सहित उद्यमशिलतालाई जीवन्त राख्न सरकारले उद्योगमैत्री नीति तथा कार्यक्रम ल्याउन जरुरी रहेको बताउनु भयो । त्यस्तै, नेपाल उद्योग परिसंघका बरिष्ठ उपाध्यक्ष वीरेन्द्रराज पाण्डेले सुस्ताएको आर्थिक गतिविधिलाई प्रदर्शनीको माध्यमबाट चलायमान बनाउन टेवा पुग्ने बताउनुभयो ।
त्यस्तै, सम्पूर्ण राष्ट्रसेवक कर्मचारीको तर्फबाट चितवनका प्रमुख जिल्ला अधिकारी प्रकाश पौडेल, सम्पूर्ण निजी क्षेत्रहरुको तर्फबाट रत्ननगर उद्योग वाणिज्य संघका अध्यक्ष शंकर गिरीले प्रदर्शनीको सफलताको शुभकामना व्यक्त गरेका थिए ।
प्रदर्शनी उद्घाटनको अवसरमा राष्ट्रिय प्राकृतिक स्रोत तथा वित्त आयोगले गरेको कार्य सम्पादन मूल्याङ्कनमा विगत तीन वर्षदेखिको उत्कृष्टतालाई निरन्तरता दिदै पुनः आर्थिक वर्ष २०८०÷०८१ मा पनि भरतपुर महानगरलाई सर्वोत्कृष्ट बनाई आम भरतपुरवासीको गौरव र गरिमा बढाउन सफल हुनुभएको र अनलाइनखबर डटकमले ११५ औं अन्तर्राष्ट्रिय नारी दिवसको अवसरमा सार्वजनिक गरेको ५० प्रभावशाली महिलाहरूको सूचीमा पर्न सफल भरतपुर महानगरपालिकाकी विकासप्रेमी मेयर रेनु दाहाललाई बधाई तथा शुभकामना व्यक्त गरिएको थियो ।
सोही अवसरमा जादुगर बलराम गिरीबाट जादु कलाको माध्यमबाट स्न्याक्स पार्टनरको रुपमा रहेको रिजाल फुड्स एण्ड वेभरेजेज प्रा.लि.को नयाँ उत्पादनको लन्चमा जादुकलाको प्रयोग गरिएको थियो ।
प्रदर्शनीको दोश्रो दिन स्थानीय कलाकारहरु नेत्रजी पन्त, सीता कँडेल र गणेश चेपाङको विशेष प्रस्तुति र जादुगर बलराम सरकारको जादुकला लगायत विभिन्न कार्यक्रम आयोजना हुँदैछ । प्रदर्शनीको तेश्रो दिन विषय विज्ञ र सरोकारवाला निकायहरुको उपस्थितिमा “नेपालको वर्तमान आर्थिक परिदृश्य ः औद्योगिक विकासका सम्भावना, अवरोध र समृद्धिका उपायहरु” शीर्षकमा प्यानल छलफल कार्यक्रम हुँदैछ ।
प्रदर्शनीबाट लघु, घरेलु तथा साना उद्योगलाई उपयोगी हुने नविनतम प्रविधि अनुसरण गरी औद्योगिक उत्पादकत्व वृद्धिमा सहयोग पु¥याउने, कृषिजन्य उद्योग, पर्यटन, प्रविधिलगायतका सेवाजन्य उद्योग एवम् उत्पादनमूलक उद्योगको प्रवद्र्धन गर्ने, बिटुबि तथा बिटुसि मिटिङ्गका माध्यमबाट राष्ट्रिय उत्पादनको बजारीकरणको लागि सहयोग पु¥याउने, नव प्रवर्तन र नयाँ प्रविधिवारे जानकारी गराउँदै युवाहरुलाई उद्यमशीलतामा प्रोत्साहन गर्ने, वर्तमान समयमा सुस्ताएको अर्थतन्त्रलाई चलायमान बनाउन सहयोग पु¥याउने, प्रदर्शनीका क्रममा उद्योगीहरूका वीच हुने प्रत्यक्ष भेटघाट र छलफलका माध्यमबाट औद्योगिक उत्पादनको चरणमा वस्तुको बजार र उपभोक्ता आकर्षण गर्न, ब्राण्डिङ्ग, लेवलिङ्ग र प्याकेजिङ्ग, प्रक्रियाका सम्बन्धमा ज्ञान अभिवृद्धि गर्न तथा व्यवसायिक सम्बन्ध स्थापित गर्न सहयोग पुग्ने विश्वास लिइएको छ ।
प्रदर्शनीको कुलिङ पार्टनरमा ब्लु स्टार ए.सी., बैकिङ्ग पार्टनरमा राष्ट्रिय वाणिज्य बैंक, फर्निचर पार्टनर फर्निटेक प्रा.लि., स्न्याक्स पार्टनरमा रिजाल फुड्स् एण्ड वेभरेजेज प्रा.लि., पेन्टस् पार्टनरमा रोयल पेन्टस्, आईएसपि पार्टनरमा टेकमाइन्ड नेटवर्क लि. रहेका छन् ।
यसैगरी, प्रदर्शनी अन्तर्गत नै स्वदेशी उत्पादनको प्रबद्र्धन, आयात प्रतिस्थापन र निर्यात प्रबद्र्धन गर्ने उद्देश्यका साथ नेपाली जुत्ता घर प्रा.लि. को आयोजना तथा फुटवेयर म्यानुफ्याक्चरर एशोसिएसन नेपालको सहकार्यमा नयाँ वर्ष २०८२ लाई लक्षित गरी वैशाख ९ गतेसम्म स्वदेशी जुत्ता चप्पल प्रबद्र्धन तथा व्यापार मेला को समेत आयोजना हुँदैछ ।
स्वदेशी जुत्ता, चप्पलका बारेमा आम उपभोक्तालाई जानकारी गराउने, स्वदेशी उत्पादन उपभोगका लागि आम जनमानसमा प्रचार प्रसार गर्ने, विदेशी जुत्ता चप्पल तथा छालाका वस्तुहरुको आयातलाई प्रतिस्थापन गरी जुत्ता चप्पल तथा छालाका वस्तु उत्पादनका क्षेत्रमा मुलुकलाई आत्मनिर्भर बनाउने, वास्तविक उत्पादक र ग्राहकको प्रत्यक्ष भेटघाटको माध्यमबाट स्वदेशी उत्पादनको गुणस्तर वृद्धिका लागि पृष्ठपोषण संकलन गर्ने, उद्यमी बीच स्वच्छ र स्वस्थ प्रतिस्पर्धा गर्ने अवसर प्रदान गरी उत्पादनको गुणस्तरमा सुधार ल्याउने वातावरण तयार गर्ने उद्देश्यका साथ स्वदेशी जुत्ता चप्पल प्रबद्र्धन तथा व्यापार मेला आयोजना गरिएको हो ।