भरतपुर/एभरेष्ट बचत तथा ऋण सहकारी संस्था लिमिटेडको वार्षिक कार्यक्रम अन्र्तगत १७औं स्थापना दिवसको अवसरमा संस्थामा आबद्ध शेयर सदस्यहरुको लागी प्राविधीक साक्षरता कार्याशाला कार्यक्रम सम्पन्न भयो । एभरेष्ट बचत तथा ऋण सहकारी संस्था लिमिटेडका अध्यक्ष बाल गोपाल चुकेको अध्यक्षमा सम्पन्न कार्यक्रममा एम बैंकका प्रबन्ध निर्देशक संजय महासेठ प्रमुख प्रशिक्षकको भूमिकामा रहनुभएको थियो ।
वित्तिय कारोबारको लागी प्राविधीक साक्षरता आजको आवश्यकता भएको हुदाँ प्रविधी प्रयोगका फाईदा, सुरक्षाका उपायहरु, प्रयोग गर्ने तरिका, यसबाट पाईने सुविधको विषयमा प्रमुख प्रशिक्षक संजय महासेठले प्रशिक्षण दिनुभएको थियो । सञ्चालक समिति सदस्य एवम् बार्षिक सप्ताहव्यापी कार्यक्रमकी संयोजक संगीता अधिकारीले कार्यक्रममा उपस्थित शेयर सदस्यहरुलाई स्वागत तथा धन्यवाद ज्ञापन गर्नुभएको थियो । कार्यक्रममा सहभागी सदस्यले प्रविधी प्रयोग गर्दा परेका समस्याका बारेमा छलफल गरेका थिए । कार्यक्रममा ७२ जनाको उपस्थिती रहेको थियो ।