भरतपुर/एभरेष्ट बचत तथा ऋण सहकारी संस्था लि.को १७ औं स्थापना दिवसको अवसरमा सामाजिक उत्तरदायित्व अन्र्तगत शुक्रबार रक्तदान कार्यक्रम सम्पन्न भएको छ । एभरेष्ट बचत तथा ऋण सहकारी संस्था लि., लायन्स क्लब अफ नारायणगढ बालकुमारी र ग्रेस ईन्टरनेशनल एजुकेशनको संयुक्त आयोजनामा रक्तदान कार्यक्रम सम्पन्न भएको हो । एभरेष्ट बचत तथा ऋण सहकारी संस्था लि. का अध्यक्ष बाल गोपाल चुकेको अध्यक्षतामा भएको उक्त कार्यक्रममा नेपाल रेडक्रस सोसाईटी, भरतपुर उपशाखाको प्राविधिक सहयोग रहेको थियो । रक्तदान कार्यक्रममा पुरुष ४० जना र महिला २१ जना गरि जम्मा ६१ जनाले रक्तदान गर्नुभएको थियो ।