भरतपुर/बिब्रोस् इन्टरटेनमेण्ट प्रा.लि.को आयोजनामा मिष्टर एण्ड मिस विश्वकर्मा बागमती सिजन २ को शुभारम्भ गरिएको छ । भरतपुरस्थित राईनो जिम हलको प्राङ्गणमा एक विशेष कार्यक्रमका बीच सिजन २ को केक काटेर शुभारम्भ गरिएको हो ।
युवायुवतीको प्रतिभा प्रस्फुटन गराउनुको साथै उनीहरुको उज्ज्वल भविष्य निर्माणमा सहयोग पु¥याउने उद्देश्यका साथ प्रतियोगिता आयोजना गर्न लागिएको बिब्रोस् इन्टरटेनमेण्ट प्रा.लि.का अध्यक्ष सञ्जय वि.के.ले जानकारी दिनुभयो ।

शुभारम्भ कार्यक्रममा सफल युवा व्यवसायी, सञ्चार उद्यमी एवम् समाजसेवी राकेशमान श्रेष्ठ, चितवन सुनचाँदी व्यवसायी संघका अध्यक्ष हेम विश्वकर्मा, भरतपुर महानगरपालिकाकी कार्यपालिका सदस्य सुकमाया परियारले कार्यक्रमको सफलताको शुभकामना दिनुभएको थियो ।
शुभारम्भ कार्यक्रममा भरतपुर महानगरपालिकाकी कार्यपालिका सदस्य कोपिला उपाकोटी, उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्ट, चितवन सुनचाँदी व्यवसायी संघका बरिष्ठ उपाध्यक्ष उत्सव खाती, युवा व्यवसायी पुष्पराम श्रेष्ठ लगायतको उपस्थिति रहेको थियो ।
समुदायका अविवाहित युवायुवतीले भाग लिन सक्ने तालिमको पहिलो सत्रमा १८ जना प्रतिस्पर्धीहरुले सहभागिता जनाएका छन् । प्रतियोगिताको फाइनल राउण्डका लागि विभिन्न बिधाहरुमा सम्बन्धित क्षेत्रका विज्ञहरूले तालिमहरु प्रदान गर्नेछन् ।