चितवन/सेन्ट्रल कलेजबाट जापानमा उच्च शिक्षा अध्ययनका लागि प्रोसेस गरेर (सिओर्ई) प्राप्त गरेका पाँच सय बढी विद्यार्थीलाई कलेजले बधाई तथा सम्मान गरेको छ । चितवन र नवलपुरका विद्यार्थीलाई कलेजले शुक्रबार नारायणगढमा एक भव्य कार्यक्रमको आयोजना गरेर सम्मान तथा उज्वल भविष्यका लागि शुभकामना व्यक्त गरेको हो ।
कलेजबाट भाषा कक्षा लिएर प्रोसेस गरेका ९० प्रतिशत विद्यार्थीले अध्ययनका लागि अनुमति (सिओई) प्राप्त गरेको कलेजका प्रिसिन्पल यज्ञ विलास (वाइबी) पौडेलले जानकारी दिनुभयो । बिगत डेढ दशकदेखि उच्च शिक्षाका लागि जापान जाने विद्यार्थीहरुको चाहाना पूरा गर्दै आइरहेको कलेजले अप्रिल इन्टेक २०२५ का लागि उत्कृष्ट नतिजा हासिल गरेको पौडेलले बताउनुभयो । उहाँले यति धेरै सफलता पहिलो पटक मिलेको भन्दै यसले थप उत्साह बढेको बताउनुभयो ।कार्यक्रममा प्रिन्सिपल पौडेलले विद्यार्थीलाई बधाई दिँदै उज्ज्वल भविष्यको कामना गर्नुभयो । उहाँले सिओर्ई प्राप्तपछि गर्नुपर्ने अन्य प्रकृयाका बारेमा विद्यार्थीलाई जानकारी दिनुभयो । अझै धेरै विद्यार्थीको रिजल्ट आउन बाँकी रहेको सेन्ट्रल कलेज चितवनले जनाएको छ । पछिल्लो समय सेन्ट्रल कलेज जापान जानका लागि उत्कृष्ट र विश्वासिलो परामर्श केन्द्रको रुपमा स्थापित भएको छ । कलेजले सिओई प्राप्त अन्य विद्यार्थीका लागि छिट्टै बधाई तथा शुभकामना कार्यक्रम आयोजना गर्ने तयारी गरेको छ ।
‘सिओर्ई प्राप्त गरेका विद्यार्थीको एक प्रतिशत काम मात्रै बाँकी रहन्छ । हामीले सिओर्ईलाई भिसा बराबरको सफलता मान्छौँ’, पौडेले भन्नुभयो, ‘सेन्ट्रल कलेजले हजारौँलाई सफलता दिन सफल भएको छ । करिब ९० प्रतिशत भन्दाबढी सक्सेस रेट दिन सकेको छ ।’ सिओर्ई प्राप्त भएपछि काठमाडौँस्थित जापानिज दुतावासमा विद्यार्थीको अन्तरवार्ता र पासपोर्टमा छाप लगाउने काम मात्र बाँकी रहने उहाँले बताउनुभयो । जापनिज भाषाका टेष्टहरुमा पनि कलेजमा अध्यनन गरेका विद्यार्थीले उत्कृष्ट नतिजा हासिल गरेको उहाँको भनाइ छ । ‘सिओर्ई प्राप्त गरेपछि पनि विद्यार्थीलाई जापान पठाएर त्यहाँ सेटलमेन्टसम्मको जिम्मा हामीले नै लिन्छौँ’, उहाँले भन्नुभयो ।
सेन्ट्रल कलेजले जापानका टोकियो, ओसाका, नागोया, फुकुओका, हिरोसिमा, वकिनवा, सेन्दाई, लगायतका विभिन्न सहरहरुमा विद्यार्थी पठाउँदै आइरहेको छ । कलेजले परामर्श, भाषा कक्षा, अप्लाई गर्ने र जापानको विद्यालयमा भर्ना गराउन सहयोग गर्ने लगायत विद्यार्थीलाई उक्त ठाउँमा पु¥याउने व्यवस्था गर्ने गरेको प्रिन्सिपल पौडेलले बताउनुभयो । जापानको नागोया सहरमा आफ्नै कार्यलय रहेको कलेजले यसै वर्षबाट टोकियो, ओसाका र फुकोकामा समेत सम्पर्क कार्यालय संचालनको तयारी गरेको छ ।
सेन्ट्रल कलेजमा भाषा कक्षा अध्ययन गर्न चाहनेले कलेजको मुख्य कार्यालय भरतपुर ओरालो र अन्य शाखा कार्यालयहरु सौराहा चोक (टाँडी), कावासोती, बुटवलमा पनि सम्पर्क गर्न सक्नेछन् । कलेजले जापानसँगै अष्ट्रेलिया, क्यानडा, युके, युएसए, दुबई, दक्षिण कोरिया र युरोपका विभिन्न देशहरुमा उच्च शिक्षा अध्ययन गर्न चाहाने विद्यार्थीलाई आइइएलटिएस, पिटिइ, टोफल, अंग्रेजी, जापनिज र कोरियन भाषा कक्षा तथा होटल प्राविधिकसँगै कम्प्युटरका कक्षा सञ्चालन सँगै परामर्श र भिजा प्रोसेसिङका काम समेत गरिरहेको छ । विद्यार्थीका लागि निःशुल्क बस सेवा सञ्चालन गरिरहेको कलेजले भरतपुर ओरालोमा आफ्नै भवन निर्माण गरेर सेवा दिइरहेको छ । त्रिभुवन विश्वविद्यालयबाट मान्यताप्राप्त सेन्ट्रल मोडल कलेजबाट बिएचएम र बिआइएम अध्यापन सुरु गरेको सेन्ट्रल कलेजले छिट्टै अष्टेलियामा आफ्नै कलेज स्थापनाको तयारी गरेको छ ।
