चितवन/नेकपा (एमाले) भरतपर महानगरपालिका २ मा वडा केन्द्रित पार्टी निर्माण अभियान सुरु भएको छ ।पार्टी केन्द्र र प्रदेशको निर्देशन बमोजिम वडा केन्द्रित पार्टी निर्माण अभियान सुरु भएको हो ।अभियानका उत्प्रेरक पूर्ण बहादुर श्रेष्ठको अध्यक्षतामा सम्पन्न भएको अभियानको शुभारम्भ कार्यक्रममा पार्टी केन्द्रीय सदस्य कृष्ण भक्त पोखरेलको प्रमुख उपस्थिति रहेको थियो । कार्यक्रममा बोल्दै पोखरेलले संगठन निर्माणमा सबै लाग्न अनुरोध गर्दै पार्टीप्रति भई रहेको प्रहारलाई सबै मिलेर निस्तेज पार्नुपर्ने बताए । एमाले कै कारण नेपाल विकासको नयाँ युगमा प्रवेश गरेको बताउँदै उनले समृद्द नेपाल सुखी नेपालीको राष्ट्रिय आकांक्षा पूरा गर्न एमाले नै चाहिने बताए । जसका लागि आगामी चुनावमा एमालेको एकल बहुमतको सरकार निर्माण गर्न आजैदेखि योजनाबद्ध भएर लाग्नुपर्नेमा उनले जोड दिए । कार्यक्रममा एमाले चितवनका सचिवालय सदस्य कृष्ण केसी, एमाले चितवनका सदस्य एवम् भरतपुर २ का पार्टी इन्चार्ज नवराज ढकालले तीन महिने वडा केन्द्रित अभियानमा गर्नुपर्ने कामहरुका बारेमा प्रष्ट पारेका थिए ।
