भरतपुर/ जिल्ला प्रशासन कार्यालय चितवनले एक साता निषेधाज्ञा थप गरेको छ । दोस्रो चरणको निषेधाज्ञाको आज अन्तिम दिन जिल्ला प्रशासन कार्यालयले एक साताका लागि निषेधाज्ञा थप गरेको हो । कोरोना संक्रमण्को जोखिम अझै बढ्दै गएकाले निषेधाज्ञाको अवधि बढाउनु पर्ने अवस्था आएको प्रमुख जिल्ला अधिकारी नारायणप्रसाद भट्टराईले जानकारी दिए ।

प्रशासनले दोस्रो पटक थप गरेको निषेधाज्ञाको अवधि आज राति १२ बजेदेखि सकिदैछ । यस पटक निषेधाज्ञा थप गरिए पनि केही क्षेत्रलाई खुकुलो बनाइएको छ । अत्यावश्यक सामग्री उत्पादनका व्यवसायीहरुलाई निषेधाज्ञाले समस्या पारेको भन्दै बैंक तथा वित्तिय संस्थालाई आलोपालो संचालन गर्ने दिने निर्णय गरिएको छ । दैनिक केही घण्टा मात्रै भए पनि बैंक संचालन गर्ने प्रशासनले तयारी गरेको छ ।

चितवनमा थप १ को कोरोना संक्रमितको मृत्यु

चितवनमा थप एक जनाको कोरोनाका कारण ज्यान गएको छ । भरतपुर अस्पतालको कोभिड १९ क्लिनिकल कोअडिनेटर डा. प्रमोद पौडेलका अनुसार कोभिड आइसीयुमा उपचाररत गोर्खा आबुखैरहनी–१३ गोरखाका ३८ वर्षिय पुरुषको ज्यान गएको हो । उनी ६ गते अस्पतालमा भर्ना भएका थिए ।

१० गते उनीमा कोरोना संक्रमण पुष्टी भएको थियो । ती व्यक्तिको आज (शुक्रबार) दिउसो २ बजेर ३० मिनेट जादा ज्यान गएको अस्पतालले जनाएको छ । योसँगै चितवनमा शुक्रबारमात्रै ज्यान गुमाउनेको संख्या ३ पुगेको छ । हालसम्म कोरोनाका कारण चितवनमा ९ जना पुगेका छन् । जसमध्ये चितवनका ४ जना, ३ जना मकवानपुर, एक एक जना गोर्खा र कैलालीका हुन् ।