भरतपुर/जिल्ला प्रहरी कार्यालय चितवनका प्रहरी प्रमुख प्रहरी उपरीक्षक राजन लिम्बु र चितवन जिल्ला अदालत वार एशोसिएसनको नवनिर्वाचित समितिसँग परिचयात्मकसँगै औद्योगिक प्रवद्र्धनको विषयमा छलफल कार्यक्रम सम्पन्न भयो । चितवन उद्योग संघका कार्य बाहक अध्यक्ष मदन घिमिरेले स्वागत मन्तव्य सहित चितवन उद्योग संघका महत्वपूर्ण परियोजनाहरुको बारेमा जानकारी गराउनु भएको कार्यक्रममा जिल्ला प्रहरी कार्यालय चितवनका प्रहरी उपरीक्षक राजन लिम्बुले संघले छिटो समयमा आफूलाई उद्योगीहरुसँग परिचय गराई चितवनको औद्योगिक विषयमा बुझ्ने मौका दिनुभएकोमा खुशी व्यक्त गर्नुभयो ।

त्यस्तै चितवन जिल्ला अदालत वार एशोसिएसनको २३ औं अधिवेशनबाट नवनिर्वाचित अध्यक्ष अधिवक्ता फूलमाया रानाभाटले आफू र आफ्नो संस्थालाई दिएको जिम्मेवारीलाई संस्थाको गरिमा उच्च राखी अगाडि बढ्ने बताउनुभयो । उहाँले उद्योगीहरुलाई पर्ने कानूनी परामर्शदेखि आवश्यक सल्लाह, सुझाव र सहकार्यका लागि आफूहरु हर समय तयार रहेको बताउनुभयो ।

कार्यक्रममा चितवन जिल्ला अदालत वार एशोसिएसनका निर्वतमान अध्यक्ष अधिवक्ता खगराज कँडेल, चितवन उद्योग संघ, गभर्निङ काउन्सिलका अध्यक्ष भेषराज दुवाडी, चितवन उद्योग संघका पूर्व अध्यक्ष हरि प्रसाद सुवेदी, कार्यसमिति सदस्य आनन्द पौडेल लगायतले उद्योगी र कानून व्यवसायीबीच कसरी सहकार्य गरी अगाडि बढ्न सकिन्ने भन्ने विषयमा धाराणा राख्नुभएको थियो ।

कार्यक्रममा चितवन जिल्ला अदालत वार एशोसिएसनका निर्वतमान अध्यक्ष अधिवक्ता खगराज कँडेललाई संघमा कानूनी सल्लाहकारको रुपमा रही सहयोग पु¥याउनु भएकोमा प्रशंसा पत्रद्वारा, जिल्ला प्रहरी कार्यालय चितवनका प्रहरी उपरीक्षक राजन लिम्बुलाई सम्झनाको चिनो र चितवन जिल्ला अदालत वार एशोसिएसनका अध्यक्ष अधिवक्ता फूलमाया रानाभाटको टिमलाई संस्थागत बधाई पत्र तथा कानूनी सल्लाहकार मनोनित पत्र प्रदान गरिएको थियो ।

कार्यक्रममा चितवन उद्योग संघका पूर्व अध्यक्ष गुणाकर खरेल, निवर्तमान अध्यक्ष त्रिलोचन कँडेल, चितवन जिल्ला अदालत वार एशोसिएसनका उपाध्यक्ष सिताराम अधिकारी, सचिव कुलचन्द्र खनाल, सह–सचिव पबित्रा सुवेदी, कोषाध्यक्ष दिपक राज तिमिल्सिना, कार्यसमिति सदस्यहरु प्रियङ्का थापा, शेखर नाथ पोखरेल, किरण गुरुङ, सुरेन्द्र राज सुवेदी, शम्भु बर्तौला, राज कुमार प्याकुरेल, अजय कुमार तामाङ्ग, चितवन उद्योग संघका उपाध्यक्षहरु गोपाल प्रसाद गैरे, दिनुपकुमार बराल, परमेश्वर भण्डारी, चितवन उद्योग संघका कार्यसमिति सदस्यहरु युवराज पाठक, खिलप्रसाद घिमिरे, रमेश नेपाली, गोविन्द प्रसाद खनाल, दुर्गालाल सापकोटा, विशाल चापागाई, ईश्वरी प्रसाद रिजाल, ओमकार कँडेल, कार्यसमिति सदस्य एवम् महिला उद्यमी मञ्चका अध्यक्ष सृजना सोती, कार्यसमिति सदस्य एवम् युवा उद्यमी मञ्चका अध्यक्ष अश्विन गोले, कार्यसमिति सदस्य शेषमणी भट्टराई, महिला उद्यमी मञ्चकी कार्यसमिति सदस्य गोमा कुमारी खड्का, संघका प्रशासकीय अधिकृत गोविन्द प्रसाद पौडेल, सञ्चार अधिकृत राजु भट्ट लगायतको सहभागिता रहेको थियो ।

चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गजेन्द्र अधिकारीले धन्यवाद मन्तव्य सहित कार्यक्रम समापन गर्नुभएको थियो ।