काठमाण्डौं/भारतको महाकूम्भ मेलामा स्नानको लागि उपस्थित श्रद्धालुहरुबीच भागम्भाग मच्चिँदा १५ जनाको मृत्यु भएको छ। उत्तरप्रदेशको प्रयागराजस्थित त्रिवेणी संगमधाममा स्नानको लागि भेला भएका श्रद्धालु बीच मंगलबार राति भागदौड मच्चिएको र त्यसमा परी १५ जनाको मृत्यु भएको भारतीय सञ्चारमाध्यमहरूले जनाएका छन्। बुधबार बिहानै मौनी अमावस्याको अवसरमा त्रिवेणी संगममा गंगा स्नान गर्नका लागि मंगलबार राति नै श्रद्धालुहरूको भिड लागेको थियो।त्यसक्रममा भागदौड मच्चिँएको हो।
भागदौडमा परेर कतिको मृत्यु भयो र कति घाइते भए त्यसको अन्तिम विवरण सार्वजनिक सार्वजनिक भएको छैन । संचार माध्यमहरुमा १५ जनाको मृत्यु भएको र ४० जना घाइते भएको जनाइएको छ । संचारमाध्यमहरूले उल्लेख गरे अनुसार त्यहाँ उपस्थित भक्तजनहरूले प्रशासनको फितलो सुरक्षा व्यवस्थाका कारण त्यस्तो घटना भएको आरोप लगाएका छन्। घटनाबारे भारतका प्रधानमन्त्री नरेन्द्र मोदीले यूपीका मुख्यमन्त्री योगी आदित्यनाथसँग जानकारी लिनुभएको छ भने मुख्यमन्त्री आदित्यनाथले अफवाहको पछि नलागेर शान्त रहन सबैलाई आग्रह गर्नुभएको छ।
Advertisement
