चितवन/धौलागिरी चितवन विश्वकर्मा सम्पर्क मञ्चको पाँचौं वार्षिक साधारण सभा आज सोमबार नारायणगढ जेसिजको सभाहलमा सम्पन्न भएको छ। साधारण सभाले ८ बुँदे संकल्प प्रस्ताव पारित गरेको छ । मञ्चका अध्यक्ष लालबहादुर विश्वकर्माको अध्यक्षतामा सम्पन्न भएको कार्यक्रममा मञ्चका संरक्षक तथा नेपाल सुनचाँदी व्यवसायी महासंघका अध्यक्ष अर्जुन रसाईलीको प्रमुख आतिथ्यता रहेको थियो। कार्यक्रममा मञ्चका संरक्षक समितिका संयोजक दलप्रसाद विश्वकर्माको विशिष्ट आतिथ्यता रहेको थियो ।
कार्यक्रममा नेपाल सुनचाँदी व्यवसायी महासंघमा चितवनबाट प्रतिनिधित्व गर्दै निर्वाचित हुनुभएका अध्यक्ष, पदाधिकारी तथा सदस्यहरु, महासंघ बागमति प्रदेशमा चितवनबाट निर्वाचित पदाधिकारी तथा सदस्य र नेपाल सुनचाँदी व्यवसायी संघ चितवनका नवनिर्वाचित पदाधिकारी तथा सदस्यहरुलाई खादा, टिका र सम्मान पत्र सहित सम्मान प्रदान गरिएको थियो।
साधारणसभामा मञ्चको मुखपत्र हातेमालो सन्देश स्मारिकाको पाँचौं अंक बिमोचन गरिएको थियो। साधारणसभामा महासचिव राजु विश्वकर्माद्वारा प्रस्तुत महासचिवको प्रगति प्रतिवेदन, कोषाध्यक्ष जीवन विश्वकर्माद्वारा प्रस्तुत आर्थिक प्रतिवेदन सर्वसम्मत रूपले पारित तथा अनुमोदन भएको थियो । साधारणसभाको संयोजन मञ्चका उपाध्यक्ष उत्सव खाती वि.कले गर्नुभएको थियो भने कार्यक्रमको सहजीकरण मञ्चका संस्थापक महासचिव एवम् संरक्षक अमिर रामदामले गर्नुभएको थियो ।
Advertisement
