चितवन/विभिन्न सामाजिक क्षेत्रमा क्रियाशील समाजसेवी एवम् वरिष्ठ महिला उद्यमी शर्मिला सेढाई पेट्रोलियम डिलर्स एशोसिएसनको अध्यक्ष बनेकी छिन् । एशोसिएसनको इतिहासमा नै शर्मिला पहिलो महिला अध्यक्ष बनेकी हुन् । चितवनको भरतपुर(१२ निवासी शर्मिला हालै भएको अधिवेशनबाट एशोसिएसनको अध्यक्ष बन्न सफल भएकी हुन् ।
शर्मिलाले लामो समयदेखि वि।सं २०४७ सालमा गोन्द्राङमा स्थापना भएको ॐ गौरीशंकर आयल स्टोर्स र वि।सं २०५३ मा स्थापना भएको कुरिनटारको बाबाधाम ट्रेडर्स पेट्रोल पम्पको जिम्मेवारी सम्हाल्दै आएकी छिन् । वि।सं २०६१ मा उहाँका श्रीमानको देहवसानपछि पनि निरन्तर आफ्नो व्यवसायलाई अगाडि बढाउँदै शर्मिलाले समाजमा आफ्नो प्रतिष्ठा कायम राख्न सफल महिलाको रुपमा आफूलाई स्थापित गरेकी छिन् । शर्मिलाले विभिन्न संघरसंस्थामा रहेर सामाजिक, शैक्षिक क्षेत्रमा समेत आफूलाई उभ्याउँदै आएकी छिन् । चितवन पेट्रोलियम डिलर्स एशोसिएसनमा लामो समयदेखि कार्यसमितिमा रही दुई कार्यकाल उपाध्यक्ष भएकी शर्मिला हालै भएको जिल्ला अधिवेशनबाट ०८१-०८३ का लागि अध्यक्ष बनेकी हुन्।
