चितवन/तेस्रो खैरहनी महोत्सव २०८१ अन्तर्गत आयोजित टिकटक प्रतियोगिताका विजेताहरूलाई आइतबार एक विशेष कार्यक्रमबीच सम्मानसहित पुरस्कार वितरण गरिएको छ । उद्योग वाणिज्य संघ खैरहनीका वरिष्ठ उपाध्यक्ष अर्जुन लम्सालको अध्यक्षतामा सम्पन्न कार्यक्रममा एक्सपर्ट एजुकेसन एण्ड भिजा सर्भिसेजका प्रमुख डिल्लीराम अधिकारीले विजेताहरूलाई प्रमाणपत्रसहित नगद पुरस्कार वितरण गरेका थिए ।
प्रतियोगितामा उपेन्द्र बर्तौला प्रथम, संगीता क्षेत्री द्वितीय, र विशाल डल्लाकोटी तृतीय स्थान हासिल गर्न सफल भएका थिए । विजेताहरू क्रमशः नगद रु १०,०००, रु ७,००० र रु ५,००० पुरस्कारले सम्मानित भएका छन् ।
कार्यक्रममा तृतीय विजेता विशाल डल्लाकोटीले आयोजकलाई धन्यवाद दिंदै यस्तो प्रतियोगिताले नयाँ प्रतिभालाई प्रोत्साहन गरेको भन्दै प्रशंसा गरेका थिए ।
यस प्रतियोगिताको मुख्य प्रायोजक एक्सपर्ट एजुकेसन एण्ड भिजा सर्भिसेज रहेको थियो । यस खालको प्रतियोगिताले महोत्सवको आकर्षणलाई थप उजागर गर्दै नवप्रतिभा पहिचान गर्न महत्वपूर्ण भूमिका खेलेको आयोजक बताउछन् ।
कार्यक्रममा एक्सपर्ट एजुकेसन एण्ड भिजा सर्भिसेजका प्रतिनिधि बिनोद बाबु रिजाल,उद्योग वाणिज्य संघ खैरहनीका उपाध्यक्ष क्षेत्रबहादुर रावल, महासचिव बिनोद अर्याल, कार्यसमिति सदस्यहरू विक्रम खड्का, अन्जन चालिसे, मनोज अधिकारी, पुरन महतो धानुक, रामशरण कार्की, लक्ष्मण विसुराल र सन्तोष उप्रेतीको उपस्थिति थियो । वरिष्ठ उपाध्यक्ष अर्जुन लम्सालले विजेता र सहभागीहरूलाई धन्यवाद तथा शुभकामना दिँदै आगामी दिनमा पनि यस्ता कार्यक्रमलाई प्रभावकारी बनाउने प्रतिबद्धता व्यक्त गर्नुभएको थियो ।
Advertisement
