चितवन/नेकपा (एमाले) राप्ती नगर कमिटी चितवनको दोश्रो अधिवेशन सम्पन्न भएको छ । सम्पन्न अधिवेशनले राजकुमार कँडेलको अध्यक्षतामा ६७ सदस्यीय नगर कमिटी सर्वसम्मतबाट चयन गरेको हो । कमिटीको उपाध्यक्षमा राजु राइ, सचिवमा डिल्लीप्रसाद थपलिया, उप सचिवहरुमा मित्र कुमारी तितुङ र डिवि लामा चयन भएका एमाले चितवनका प्रचार विभाग प्रमुख प्रकाश आचार्यले जानकारी दिए । त्यसैगरी लेखा आयोगको अध्यक्ष धर्म मोक्तान बनेका छन् ।
२६१ जना प्रतिनिधि सहभागी रहेको अधिवेशनको उद्घाटन शनिबार एमालेका वरिष्ठ उपाध्यक्ष इश्वर पोखरेलले गरेका थिए । अधिवेशनको बन्द सत्रमा पोखरेलसहित एमाले उपाध्यक्ष सुरेन्द्र पाण्डे, स्थायी कमिटी सदस्य सीता पौडेल, पोलिटब्युरो सदस्य एवम् चितवन इन्चार्ज देवि ज्ञवाली, केन्द्रीय सदस्यहरु जे ऐन थपलिया, बागमती प्रदेश कमिटी अध्यक्ष कैलाश ढुङ्गेल, केन्द्रीय सदस्यहरु प्रभा बराल, यम बहादुर परियार, कृष्णभक्त पोखरेल, एमाले बागमती प्रदेश कमिटी उपाध्यक्ष दावा दोर्जे लामा, एमाले चितवनका अध्यक्ष कमलराज पाठक, निवर्तमान अध्यक्ष रामप्रसाद न्यौपाने लगायत प्रदेश कमिटी सदस्यहरु, जिल्ला पदाधिकारी, जिल्ला कमिटी सदस्यहरु, विभागिय सदस्यहरु, जनर्गीय संगठनका नेताहरु लगायत स्थानीय जन समुदायहरुको उल्लासमय उपस्थिति रहेको थियो ।
