इलेक्ट्रोनिक ब्यवसाय संघ नारायणगढको ३३ औ बार्षिक साधारण सभा तथा १० औ अधिबेसन आज (सोमबार) सम्पन्न भएको छ। जल देबी समुदायक  बन आपटारीमा बनभोजको कार्यक्रम सँगै सम्पन्न कार्यक्रममा उद्योग बाणिज्य संघ चितवनका अध्यक्ष सुमन श्रेष्ठको प्रमुख आतिथ्यता रहेको थियो। अधिबेसनबाट मणी टिभि सेन्टरका संचालक रामचन्द्र भट्टराईको अध्यक्षतामा ११ सदस्यीय समिति निर्विरोध निर्वाचित भएको छ। समितिको उपाध्यक्षमा नरेश खनाल, सालिग राम बस्याल र तारा प्रसाद घिमिरे निर्वाचित हुनुभएको छ भने सचिवमा नारायण प्रसाद पौडेल, कोषध्यक्षमा आन्नद बस्याल, सह सचिवमा बिसम्भर मान प्रधान निर्वाचित हुनुभएको छ। यसैगरी सदस्यमा यम प्रसाद ढकाल, हिमाल बाब् अधिकारी, सन्दिप श्रेष्ठ र निपेस सापकोटा निवार्चित हुनुभएको उक्त समितिमा कानुनी सल्लाहकारका रुपमा प्रेम प्रसाद पौडेल निर्वाचित हुनुभएको छ।