चितवन/पुर्वमन्त्री बिक्रम पाण्डेले हिन्दु सनातन धर्म माथी आक्रमण भईरहेको बताउनु भएको छ । महाकालेश्र शिव मन्दिर सत्संग समिति भरतपुर १० को पहिलो अधिबेशनमा निर्वाचित नया कार्य समितिर्ला शुभकामना दिदै यस्तो बताउनु भएको हो ।
कार्यक्रममा प्रमुख आतिथि समेत रहनु भएका पुर्वमत्री पाण्डेले हिन्दु सनातन माथी आक्रमण भईरहेको बताउदै धर्म बचाउन सबैजना एक जुट हुनु पर्नेमा जोड दिनुभयो ।
पुर्वमन्त्री पाण्डेले भन्नुभयो “पछिल्लो समय हाम्रो धर्ममाथी आक्रमण भईरहेको छ । त्यो ब्यक्तिगत होस या राजनितीक तरीकाले, त्यसैले आफ्नो धर्म बचाउनको लागी हामी सबै एकजुट हुन आवश्यक छ । ” यस्तै हिन्दु सनातन धर्मको संरक्षणका लागी भावी पुस्ताहरुमा जोड दिन समेत उहाँले आग्रह गर्नु भएको छ । उहाँलले भन्नुभयो “अहिले मुलुक बिभिन्न धर्मका कारण टुक्रिदै गईरहेको अवस्था छ । त्यसैले तपाई हामी सबैले आफ्नो धर्म बचाउनको लागी पुस्तान्तरण हुन आवश्य छ । हामी सबैले आफ्नो दोस्रो पुस्तालाई हिन्दु धर्मबारेमा बुझाउन सके धर्म बचाउनु सहयोग पुग्ने छ । “
