चितवन उद्योग संघका कार्यवहाक अध्यक्ष मदन घिमिरेले स्वागत गर्नुभएको कार्यक्रममा नेपाल सरकार, उच्च स्तरीय आर्थिक सुधार सुझाव आयोगका सदस्य डा.कल्पना खनालले कार्यक्रमको उद्देश्य सहित कार्यपत्र प्रस्तुत गर्नुभएको थियो । छलफल कार्यक्रममा राष्ट्रिय सहकारी विकास बोर्डका सह–अध्यक्ष मित्रराज दवाडीले नयाँ योजना कार्यान्वयनमा लैजानु पूर्व पूर्वाधार तयार गरेर सरोकारवालासँग धनिभूत छलफल गर्न जरुरी रहेको बताउनुभयो । दवाडीले जमिन उपयोग नीति अन्तर्गत बाँझ जमिनलाई लामो समयको लागि भाडामा दिने व्यवस्था मिलाउनु पर्ने समेत बताउनुभयो ।

त्यस्तै नेपाल सरकार अर्थमन्त्रालयका उपसचिव तथा अर्थशास्त्री कृष्ण प्रसाद शर्माले कृषि क्षेत्रमा सुधार ल्याउनको लागि मन्त्रालयको तर्फबाट चालिएका पहलहरुको विषयमा जानकारी गराउनु भएको थियो । त्यस्तै आन्तरिक राजश्व कार्यालय चितवनका प्रमुख कर अधिकृत पुण्य विक्रम खड्काले चितवनमा कृषि क्षेत्रबाट समेत राम्रो कर उठ्ने गरेको र चितवन कृषिमा सम्भावनाको बोकेको जिल्ला भएको बताउनुभयो ।

त्यसैगरी बागमती प्रदेश उद्योग परिसंघका बरिष्ठ उपाध्यक्ष पोल्ट्री उद्यमी त्रिलोचन कँडेलले पोल्ट्रीको अवैध आयात बन्द गर्नुपर्ने, उत्पादनको वितरण प्रक्रियालाई सहकारी मार्फत गर्नुपर्ने लगायतका विषयमा आफ्ना भनाईहरु राख्नुभएको थियो । त्यस्तै कृषि विकास कार्यालय, चितवनका प्रमुख झलकनाथ कँडेलले कृषकको उत्पादनको मूल्य आफै तोक्ने व्यवस्था गर्नुपर्ने बताउनुभयो ।

त्यस्तै प्रधानमन्त्री कृषि आधुनिकीकरण परियोजनाका बागवानी अधिकृत रविकिरण पौडेलले नेपालको कृषि नीति आयात प्रवद्र्धन गर्ने खालको भएको बताउनुभयो । त्यस्तै फ्लोरीकल्चर एशोसिएसनका अध्यक्ष तेजेन्द्र सापकोटाले खेर गईरहेको जमिनलाई उपयोग गर्नुपर्ने र प्लाष्टिकका माला आयातमा रोक लगाउनुपर्ने धारणा राख्नुभएको थियो ।

छलफलमा व्यवसायिक कृषकहरु हरि अधिकारीले नीति उत्पादनमुखी र बजारीकरण गर्ने तर्फ उन्मुख हुनुपर्ने, रमेशचन्द्र पुरीले व्याप्त कालो बजारीलाई रोक्नको लागि सरकार तरबबाट निगरानी गर्नुपर्ने, डा.गिरीराज भन्तनाले अनुदानका आधारमा निर्यात गर्ने र आयात प्रतिस्थापन गर्नेलाई अनुदान दिने व्यवस्था हुनुपर्ने, शम्भु सुवेदीले रासायनिक मल र विषादीलाई न्युनिकरण गर्न प्रोत्साहन गर्नुपर्ने, ससन देवकोटाले नीति बनेपनि कार्यान्वयन कमजोर भएको र पूँजीगत खर्चमा अनुदान जाँदा अनुत्पादन क्षेत्रमा गएको बताउनुभयो ।

त्यस्तै चितवन उद्योग संघका पूर्व अध्यक्ष हरि प्रसाद सुवेदीले रैथाने बालीहरुलाई प्रोत्साहन गर्नुपर्ने र कृषिमा लाग्न प्रेरित गर्नुपर्ने बताउनुभयो । छलफलमा एनपिआई कलेजका प्रमुख ईन्जिनियर बाबुराम ढकालले एकीकृत कृषि अभियानमा जोड दिनुपर्ने बताउनुभयो । त्यस्तै जिल्ला दुग्ध उत्पादक सहकारी संघ लि.का अध्यक्ष किशोर बगालेले वास्तविक र समर्पित उद्योगीहरुले उत्पादन परिमाणका आधारमा अनुदान पाउने व्यवस्था मिलाउनुपर्ने बताउनुभयो । त्यस्तै त्रिपुरेश्वर कृषि सहकारीका अध्यक्ष बेद प्रसाद सापकोटाले कृषि र पर्यटनलाई सँगसँगै जोडेर कार्यक्रम तयार गर्नुपर्ने बताउनुभयो । त्यस्तै चितवन जिल्ला वचत तथा ऋण सहकारी संघका अध्यक्ष विद्या कोइरालाले कृषि क्षेत्रमा काम गर्ने सहकारीहरुमा कुनै समस्या नरहेको र कृषि सहकारीहरुको क्षेत्रमा राम्रा कामहरु भईरहेको समेत बताउनुभयो ।

त्यस्तै वालकुमारी कलेजका सहायक क्याम्पस प्रमुख अनन्त ढुङ्गानाले कृषिलाई जनतासँग जोड्ने अनुसन्धानलाई विकाससँग जोड्ने कार्यक्रम ल्याउनु पर्ने बताउनुभयो । त्यस्तै सप्तगण्डकी बहमुखी क्याम्पसका प्राध्यापक विनोद खण्ड तिमिल्सनाले कृषिमा ट्रेड डिफिसिट कसरी कम गर्ने लगायतका विषयमा धारणा राख्नुभएको थियो । छलफलमा उद्योग वाणिज्य संघका चितवनका कार्यसमिति सदस्य कृष्ण लामिछानेले कृषि उत्पादनको समर्थन मूल्य तोकिनु पर्ने बताउनुभयो ।

छलफलमा चितवन उद्योग संघ, चितवन च्याम्बर अफ कर्मशका पदाधिकारी एवम् सदस्यहरु, विभिन्न क्याम्पसका प्राध्यापकज्यूहरु, नागरिक समाजका प्रभुत्व व्यक्तिहरु, कृषि क्षेत्रमा लाग्नु भएका व्यवसायिक किसानहरु, उद्योगी, व्यवसायीहरुको सहभागिता रहेको थियो । चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई चितवन उद्योग संघका कार्य बाहक अध्यक्ष मदन घिमिरेज्यूले धन्यवाद मन्तव्य सहित कार्यक्रम समापन गर्नुभएको थियो ।